ທ່າພະຈັນ
ທ່າເຮືອໃນບາງກອກ From Wikipedia, the free encyclopedia
ທ່າເຮືອໃນບາງກອກ From Wikipedia, the free encyclopedia
ທ່າພະຈັນ (ໄທ: ท่าพระจันทร์) ເປັນທ່າເຮືອຮິມຝັ່ງແມ່ນ້ຳເຈົ້າພະຍາ ຕັ້ງຢູ່ບໍລິເວນສຸດ ຖະໜົນພະຈັນ ຂ້າງມະຫາວິທະຍາໄລທຳມະສາດ ແຂວງພະບໍລົມມະຫາລາດຊະວັງ ເຂດພະນະຄອນ ບາງກອກ ໃຫ້ບໍລິການສະເພາະເຮືອຂ້າມຟາກໃນເສັ້ນທາງທ່າພະຈັນ-ວັງຫລັງ ແລະທ່າພະຈັນ-ພະປິ່ນເກົ້າ
ບໍລິເວນທ່າເຮືອແຫ່ງນີ້ເຄີຍເປັນທີ່ຕັ້ງຂອງປ້ອມພະຈັນ ເຊິ່ງເປັນປ້ອມແຫ່ງໜຶ່ງທີ່ພະບາດສົມເດັດພະພຸດທະຍອດຟ້າຈຸລາໂລກ ໂປດເກົ້າຯ ໃຫ້ສ້າງຂຶ້ນຕາມແນວກຳແພງພະນະຄອນ ດ້ານຕາເວັນຕົກ ຕໍ່ມາໃນລັດຊະສະໄໝພະບາດສົມເດັດພະຈຸລະຈອມເກົ້າເຈົ້າຢູ່ຫົວໂປດເກົ້າຯ ໃຫ້ໃຊ້ບໍລິເວນພະລາຊະວັງບໍວອນສະຖານມົງຄົນເປັນທ້ອງສະໜາມຫລວງ ຖະໜົນໜ້າພະທາດ ປ້ອມຕ່າງ ໆ ຮອບກຳແພງພະລາຊະວັງບໍວອນສະຖານມົງຄົນຖືກລື້ລົງໝົດຮວມເຖິງປ້ອມພະຈັນນຳ ຖະໜົນທີ່ຕັດກົງສູ່ບໍລິເວນທີ່ເຄີຍເປັນທີ່ຕັ້ງຂອງປ້ອມພະຈັນຈຶ່ງມີຊື່ວ່າ "ຖະໜົນພະຈັນ" ແລະທ່ານ້ຳໃນບໍລິເວນທີ່ເຄີຍເປັນທີ່ຕັ້ງຂອງປ້ອມພະຈັນຈຶ່ງຮຽກວ່າ "ທ່າພະຈັນ" ມາຈົນເຖິງປັດຈຸບັນ ໃຊ້ເປັນທ່າເຮືອໂດຍສານເຊິ່ງມີບໍລິສັດເອກກະຊົນເປັນຜູ້ດຳເນິນກິດຈະການເດີນເຮືອຂ້າມຟາກທີ່ປະມູນມາຈາກບາງກອກ
ປັດຈຸບັນ ບໍລິເວນທ່າພະຈັນເປັນແຫຼ່ງການຄ້າທີ່ຄຶກຄັກຫຼາຍ ໂດຍສະເພາະໃນຊ່ວງຕອນແລງ ໂດຍເປັນທີ່ຮູ້ຈັກກັນດີຂອງການເປັນຕະຫຼາດພະເຄື່ອງແລະວັດຖຸມົງຄົນຕ່າງ ໆ ຮວມເຖິງຮ້ານຄ້າ, ຮ້ານອາຫານ, ຮ້ານໜັງສືຕ່າງ ໆ ອີກດ້ວຍ
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.