From Wikipedia, the free encyclopedia
Lipatɛ́ tǒ Kúkule
Ntángo basani basúsu bazalí kobombana, moluki akozala nsima ya nzeté tǒ ya efelo mpé akokanga mǐso mpé akoyémba loyémbo luye
Kúkule elombé Mwǎna nyaó ekɛ́ngɛ Kanga bato, elombé Yě wana azalí koyâa ekɛ́ngɛ Bobómbana malámu na nsima ndáko eh eh
Mpé nsima ya koyémba loyémbo lûná ye akoganga na makasi Nayaâ mpɔ̂ na kosɛ́ngɛ nzéla na basani basúsu sɔ́kí yě akoki kobanda koluka bangó. Sɔ́kí basani basúsu bayanoli yaka, moluki akofungola miso mpé nsima akobanda koluka basani basúsu.
Loléngé losúsu la lisano liye likosenga basani babómbana tɛ́ kasi bakomikebisa na ntina 'te moto óyo azalí na lipatɛ́ asimba bangó tɛ́ mpó lipatɛ́ ekoma na ngala na bango tɛ́. Moto óyo azalí na lipatɛ́ akoluka kopɛsɛ lipatɛ́ na moto mosúsu na kosimbaka yě mpé sɔ́kí ye asimbi mosani mɔ̌kɔ́, lipatɛ́ likomi lya mosani wana. Mpɔ̂ na komikebisa na moto óyo azali na lipatɛ́, basani bakokima na lombango mpenzá. Lisano likobanda loléngé lɔ̌kɔ́ na liye likosenge basani babómbama. Basani bakopɔnɔ esíká yɔ̌kɔ́ eye bangó bakobênga mamá. Esíká êná ezalí esíká moluki (moto óyo azalí na lipatɛ́ akoyémba loyémbo luye lukomami o likólo) mpé nsima ya loyémbo lûná akolanda mɔ̌kɔ́ ya basani mpɔ̂ na komosimba na ntina ya komopɛsɛ lipatɛ́. Mamá ezalí mpé esíká eye mosani nyɔ́nsɔ óyo amoni 'te asili kolemba akoki kokima mpé kosimba. Sɔ́kí mosani asimbi (akangi) mamá, moluki akoki kopɛsɛ yě lipatɛ́ lisúsu tɛ́. Sɔ́kí mosani asimbi mamá tɛ́ kasi alingi kopéma mwa mokɛ, yě akosangisa misapi mya yě mísáto esíká mɔ̌kɔ́ mpé akosimba likólo lya moto mwa yě na kogangaka na makasi bwɛ́. Kasi kosɛngɛ bwɛ́ ekozala ya ngonga mokɛ mpé ekoki kowumela tɛ́ lokóla moto óyo akangi mamá.
Sɔ́kí bǎna bazalí kosakana loléngé luye la lipatɛ́, bangó bakoyémba ntángo moníngá na bangó azalí kolanda bangó mpɔ̂ na kobapɛsɛ lipatɛ́. Bangó bakoyémba luyémbo luye.
Eh, eh lipatɛ́ ya ..... Eh, eh lipatɛ́ ya ..... Eh, eh lipatɛ́ ya .....
Na nsúka ya lisano mpenzá ntángo bǎna basilisi kosakana bangó bakoki koyémba na lisangá mpɔ̂ na moto ya nsúka óyo atikali na lipatɛ́ loyémbo luye;
Eh Eh, elali ya .... Bilambá bikozíka na kati ya butú
![]() |
| |||
Masano lya ndembo ·
Motópi ·
Motópi mwa dangú ·
… |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.