Wereldkampioensjap hierevoetbal

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

't Wereldkampioensjap (WK) hierevoetbal weurt sinds 1930 alle veer jaor (mèt oetzundering vaan 1942 en 1946) door de FIFA georganiseerd in e wisselend gasland. In 'ne opzat mèt poules, gevolg door 'n knock-outfaas, weurt de winner oetgemaak. Op 't WK is plaots veur e beperk aontal deilnummende len (de lèste jaore 32); de diverse continentaol federaties (UEFA, AFC, CFA, CONCACAF, CONMEBOL en OFC) organisere veurrundes um oet te make wee ziech veur 't WK plaots. 't Toernooj trèk eder editie mieljoene kiekers en hiel väöl sponsorgeld. Sinds e paar jaor besteit de regel tot 't WK tösse de continente moot roulere.

Brazilië heet tot nog touw es insegste land op alle WK's gestande. Nederland deeg tien kier mèt en woort drei kier twiede; 't Belsj naom twelf kier deil en heet es bèste prestatie de veerde plaots.

De winner vaan 't WK plaotsde ziech veurheer veur de Confederations Cup, e (miestens) veerjaoreg toernooj wat veuraofgoond aon e volgend WK in 't gasland vaan dat kampioensjap woort gehawwe. Nao de editie vaan 2017 besloot me dit toernooj aof te sjaffe.

Edities

Jaor	Gasland	Winner	Deilnummers	Nederland	Belsj
1930	Uruguay	Uruguay	13	neet ingesjreve	grópsfaas
1934	Italië	Italië	16	achste finaol	achste finaol
1938	Fraankriek	Italië	15	achste finaol	achste finaol
1950	Brazilië	Uruguay	13	neet ingesjreve	trökgetrokke
1954	Zwitserland	Wes-Duitsland	16	trökgetrokke	grópsfaas
1958	Zwede	Brazilië	16	neet geplaots	neet geplaots
1962	Chili	Brazilië	16	neet geplaots	neet geplaots
1966	Ingeland	Ingeland	16	neet geplaots	neet geplaots
1970	Mexico	Brazilië	16	neet geplaots	grópsfaas
1974	Wes-Duitsland	Wes-Duitsland	16	2e	neet geplaots
1978	Argentinië	Argentinië	16	2e	neet geplaots
1982	Spaanje	Italië	24	neet geplaots	twiede runde
1986	Mexico	Argentinië	24	neet geplaots	4e
1990	Italië	Wes-Duitsland	24	achste finaol	achste finaol
1994	Vereinegde Staote	Brazilië	24	kwartfinaal	achste finaal
1998	Fraankriek	Fraankriek	32	4e	grópsfaas
2002	Japan en Zuid-Korea	Brazilië	32	neet geplaots	achste finaal
2006	Duitsland	Italië	32	achste finaol	neet geplaots
2010	Zuid-Afrika	Spaanje	32	2e	neet geplaots
2014	Brazilië	Duitsland	32	3e	kwartfinaol
2018	Rusland	Fraankriek	32	neet geplaots	3e
2022	Qatar	Argentinië	32	kwartfinaol	grópsfaas
2026	Canada, Mexico en de Vereinegde Staote		48
2030	Spaanje, Portugal en Marokko¹		48
2034	Saoedi-Arabië		48

• 1: mèt grópsmatche in Argentinië, Paraguay en Uruguay veur 't hoonderjaoreg bestoon vaan 't toernooj te vere.