From Wikipedia, the free encyclopedia
Dit artikel is gesjreve (of begós) in 't Nuts. Laes hie wie v'r mit de versjillende saorte Limburgs ómgaon.
Tiedzaones zint gebejer van de Aerd die dezelfde sjtandaardtied höbbe aangenomme. Vuurhein gebroekde luuj de lokale zonnetied, woebie de tied dus variierde van plaatsj tot plaatsj. Mit de vuuroetgank van telecommunicatie en mit de oetbreiding van de sjpoerwaeg woerd dit systeim lestiger en lestiger. Tiedzaones corrigierde dit prebleim doer de klokke van 'n regio op dezelfde gemiddelde zonnetied te zitte. Tiedzaones zint euver 't algemein gecentrierd op de meridiane geografie van de longitude. Tiedzaones zint normaal 15°, en dus is d'r normaal ein oer versjil tusje twie opeinvolgende zaones. Dit ein-oer-versjil is echter neet universeil en de vorme van de tiedzaones kinne hendeg irregulier zien, omdat ze vaak de grenze van sjtate, leng of anger administratieve gebejer volge.