Progressief Alliantie vaan Socialiste en Democrate

Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.

---

De Progressief Alliantie va Socialiste en Democrate ofwaal de S&D is de sociaoldemocratische fractie in 't Europees Parlement. Zie is óntsjtange óp d'r 23e juni 2009, es 'n alliantie tussje de Europese polletieke partei Partei van de Europese Sociaaldemocratie (PES) en de Italiaanse Democratische Partij. Ze is de twieëde fractie in 't Europees Parlement, noa die van de Europese Volkspartej (EVP) mèt 146 / 705 zedele en dus ouch 146 Europarlementariërs.

Noa de Europese verkezinge van 2009 sjtreefde de sociaoldemocratische fractie nao eenheed mit de Democratische Partei oet Italië. Van die partei houwe al veertieën Europarlementariërs in dees fractie zitting, mar ooch ach parlementariërs in de liberale Renew Europe-fractie. De Democratische Partei is namentlig een brei verzameling van centrum-linkse parteie, sjterk beïnvlood durch de sociaoldemocratie en links-christelike beweginge. Doavuur woar 'ne nuie naam nuuedig vuur dees Eurofractie. óp initiatief van d'r PES-fractievuurzitter Martin Schulz woeëd gekoaze vuur d'r naam Progressief Alliantie van Socialiste en Democrate, deë óp d'r 23e juni 2009 woeëd goodgekeurd.

Nao de Europese verkezinge van 2014 woeëd de fractie geleid durch d'r Gianni Pittella, 'ne Ittelenisje parlementslid vuur de Partido Democratico. D'r Pittella doog in 2017 'ne goeëj noa 't vuurzittersjap van 't Europees Parlement, in ópvolging va d'r Pruus Martin Schulz. D'r Pittella woeëd twieëde tiedes de versjillende sjtumrungdes en mós 't oetintelig aaflegke teëge d'r centrumrechse kandidaat Antonio Tajani. Inkel weëke doavuur houw de sociaoldemocratische fractie ooch al de traditioneel Groeëte Coalitie (mit de groeëtste fractie - EVP - centrumrechs) ópgezag. D'r Pittella sjtapde noa de Itteljenise parlementsverkezinge van 2018 óp es lid van 't Europees Parlement vuur senator te weëde. D'r Udo Bullmann volgde 'm óp es fractievuurzitter.

Noa de verkezinge van 2019 woeëd d'r Baskisch-Sjpanisje kandidaat Iratxe García gekoaze es fractievuurzitter.

---

De volgende sectie van dit artikel is gesjreve in 't Valkebergs.

---