Produktie

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

In 'n merret-gedreve ikkenemie ligk 't ikkenomisch evewiech op 't pönt boe 't aonbod vaan productie en de vraog denao mekaar tegekomme.

Produktie is 't make (producere) vaan geujere of deenste mèt 't buut ze te verkoupe, ofwel 't perses vaan e produk. Produktie is de touwveuging vaan ikkenomische weerde: de gemaakde produkte zien nötteg veur de kuipers. De touwgevoogde weerde kin gebruuksweerde of emotioneel weerde zien, mer in eder geval höbbe de produkte winseleke eigesjappe (of de perceptie vaan die eigesjappe) veur de kouper. Produktie vereis veer factore of produktiemiddele: kapitaol (investering), arbeid, land en oondernummingsjap, in ein of aander combinatie. De efficiëntie en effectiviteit vaan produktie bepaole same de produktiviteit vaan 't perces: 't aontal geujere of deenste wat geproduceerd weurt. De produktiviteit en de pries vaan de geujere bepaole same de opbrings.

Produktie kin zien ofwel de direkte winning vaan netuurleke hulpbronne ofwel 't umzètte vaan groondstoffe nao nui produkte. In de landbouw weurt produktie ougs geneump.

Produktiecriteria

Criteria veur 't beoordeile vaan de productie-umgeving zien:

• kospries
• kwaliteit (inclusief betrouwbaarheid)
• levertied (inclusief betrouwbaarheid)
• assortiment (nui produkeigesjappe)
• service (inclusief betrouwbaarheid)
• milieu
• e Zevende criterium is flexibiliteit. Dit criterium heet betrèkking op alle geneumde punte.

Bron

• Nederlandstaolege Wikipedia