Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
Pornografie, ouch verkortj toet porno, is inne brèdste ómsjrieving de expliciete veurstèlling van 't miensjelik lief of seks mit 't doel de kieker seksueel te stimulere.
Pornografie haet väöl eweg vanne erotica, waat kóns van erotische aerd is, mer 't houfdoel neet is luuj seksueel te stimulere, meh kóns op zich 't doel is. Pornografie is veural inne decennia nao 1970 óntwikkeldj toet 'n ganse industrie dore versjiening van videobeeljer en later de opkóms van internet, waat pornografie in 't bereik van hieël väöl luuj gebrach haet. 'nen Angere factor vanne oplaeving vanne productie en verspreijing van pornomatterjaal is det de samelaeving 'n verdraagzamer hajing gekregen haet taenge de verspreijing en 't bezit daovan, waat sameging mit 'n versoeppeling vanne wètgaeving.
Juus wie erotica kump pornografie veur in versjillendje vörm. Dit zowaal kwa draegers, wie tiedssjrifter, foto's, beeldjhouwwerke, animatie, sjiljeringe, klankopname, video's enzowiejer, es seksueel veurkeure, heteroseksueel, homoseksueel, laeftied, hoedskluuer, enzowiejer, es ouch fetisjisme (bdsm, laer).
Binne bepaoldje religieus struiminge hieërs aafkeur veur pornografie, veural ómdet 't gezeen wuuert es 'n euvertraejing van 't huwelik. Ouch binnen 't feminisme guuef 't taengestenjers, die vinje det pornografie vrouwlje objectiveert.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.