From Wikipedia, the free encyclopedia
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
Ouddorp (Zieëws: Ouwdurp) is 't wèstelikste dörp in de gemèndje Goeree-Overflakkee. 't Dörp haw 6.113 inwoaners in jannewarie 2007 en woor daomit, achter Sommelsdijk, 't gróts dörp van 't eilandj. Van 1966 tot 2013 vormde 't dörp mit Goedereede en Stellendam de gemèndje Goedereede. De wichtigste middele van bestaon zeen de visserie, 't toerisme enne landjboew. De meiste inwoeaners zeen lèd vanne Herstèldj Hervormdje Kirk. Plaatselik wuuertj op Ouwdurp gezeen.
De landjboew is 't aads middel van bestaon. 't Landjlaeven in Ouddorp woor ömmer kleinsjaolig van aerd en det is nag ömmer zoea. Vruueger woort 's väöl blomezaod geteildj. De lèste jaore wuuertj 's ouch ömmer mieë blome gekwieëk. Ouddorp ligk ane grèns van zandj- en kleigróndj en veur sommige gewesjen is det ideaal. Anen angere kantj is zandj neet zoea vröchbaar en daoróm zeen väöl percelen e stök aafgegrave. De gróndj woort in walle lanks de percelen ópgewórpe. Hiedoor óntsting 'n epaart beslaote landjsjap det m'n e sjurvelingelandjsjap neump. In Ouddorp zelf neump me dees sjurvelinge "hoagten".
De visserie in Ouddorp is opgebleujdj saer den 't dörp 'nen eigen haven haet. Dae haven is inne jaore 1860-1861 gegrave gewaore. Vruueger haw Ouddorp veural crevettevisjers, meh nao de aafsloeting vanne Grevelinge zeen z'n ouch inne zieë gaon visje. Dees zieëvisjers visje veural op tong en sjol. Saer de aafsloeting in 1972 ligk de Ouddorpse vlaot inne Delta in Stellendam. De vlaot besteit nag oet zoea vieftieën kotters wovan 's twieë paoling visjen inne Grevelinge vanoet d'n ajen have. Veure res wuuertj d'n aje have noe veur jachte gebroek.
't Toerisme is opgekaome nao d'n Twieëdje Werreldkrieg. Ouddorp woort aantrèkkelik vanwaenge de strenj enne natuur. Inne beginjaore woorte hieël väöl zomerhuuskes en campings gemaak, soms van slechte kwaliteit. Gelökkig is d'r noewaal aandach veure kwaliteit en guuef 't veurnamelik lux verkansieparke wie Port Zélande, Noordzeepark en De Klepperstee. Ouddorp steit bekèndj es 'n femieljebaadplaats.
Oersprónkelik besting Ouddorp oet lintjbeboewing lanks 'n aantal waeg. De ènsigste concentraasje woor róndje kirk inne rink. Vanaaf 1960 zeen d'rs e paar vrie groeate stökker biegeboewdj gewaoren ane noordkantj van 't dörp: "Plan Oost" en "Plan Zuid". De lèste jaoren is det verangerdj en noe wuuertj d'r bekans neet mieë geboewdj vanwaenge provinciaal regelinge. In 't dörp waere waal discussies geveurdj, ómdet Ouddorpse starters ane weuningmert gein hoes kinne koupen aangezeen 't te duur is en ómdet 's weinig gesjikdje hoezer guuef die te koup staon. In 2007 haet me waal planne gemaak veur nuujboew en in 2011 haet me mit boewen aangevange.
De óntwikkeling van 't inwoeaneraantal euvere jaoren wuuertj hieónger waergaeve:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.