Dit artikel is gesjreve (of begós) in 't Gelaens. Laes hie wie v'r mit de versjillende saorte Limburgs ómgaon.
Oete Waeg is de awdste aktieve zate hermenie van Gelaen. De klup is opgerich in 1975. De naam is ontleënd aan 't bekènde leedje "Oete waeg veur de hofkapel" (teks: Frans Boermans, meziek: Thuur Luxembourg).
Initiatieve
Vanoet dees kapel zeen väöl initiatieve genómme die de Vastelaovend in de Waereldsjtad glans gaeve: 't Gelaens Vastelaovesleedjeskónkoer, 't Gelaens Kapellekónkoer (op Vastelaovesmaondig) en de Oete Waegmiddig. Van 't lètsgeneumde evenement zeen ènkele edisies legendaries: de literaire middig, de cyclus Zittesje middig in Gelaen, de Gelaense middig in Zitterd en daonao de Bor-se middig in Gelaen. 't Luk Oete Waeg meistal om op 't kapellekónkoer de nummer 1, 2 of 3 van 't LVK te prizzentere.
Uniform, sound en lede
De klub is herkenbaar door de vaste uniforme (fantasie-uniform huzaar) in de kleure road, blauw en goud. De "sound" van ein zate hermeniej is in muzikale terme lestig te omsjrieve. Mesjien kömp "väöl forte, mer (te) weinig piano" waal heël dichbiej, ofwaal ederein probeert heller te sjpele es degeen wat naeve häör/häöm sjteit. De kapel kènt väöl Gelaense prominente en haet al dèks de prins geleverd veur Vastelaovesvereiniginge, zoa-es de Flaarisse en de Uule. Gezeen de robuuste ego's van de leje is 't risicovol om name van prominente leje hiej te vermelde, aangezeen mesjiens waal ederein vinjt dat 'r hiej geneumd zou mótte waere. Provinciebreid en mèt de Vastelaovend es achtergrondj is Ben Erkens, viefvoudig winnaar van 't LVK, in eder geval 't bekèndste lid van Oete Waeg.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
