Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
Martin Eurlings waor van 2008 bies 2017 burgemeister van Valkeberg aan de Geul. Hae ies gebore in Valkeberg op 16 juni 1946. Van 1995 tot 2007 waor hae gedeputeerde van Nederlands Limburg. Hae ies lid van 't CDA (Christen-Democratisch Appèl).
Eurlings volgde 'n opleiding tot ónderwiezer aan de kweeksjoal in Heerle. Wèrkde aan de basissjoal in Valkeberg. Daoneve sjtudeerde hae aan de universiteit KU-Leuve (Belsj) pedagogiek. Aan zien eige kweeksjoal (pedagogische academie) woort 'r ièrsj leraar en later directeur. In 1982 woort 'r gekoze in de gemeinteraod van zien eige, dan nuuj gemeinte: Valkeberg aan de Geul. Van 1986 tot 1990 functioneerde hae dao es wèthouwer en loco-burgemeister. In 1991 woort hae lid van de Provinciale Sjtate van Limburg en 'n jaor later fractieveurzieter. Van 18 april 1995 tot 13 april 2007 waor Eurlings es gedeputeerde, verantwoordelik veur kuns en cultuur, economische zake, toerisme, miede en kleinbedrief. Saer 1 juni 2007 waor hae plaatsvervangend burgemeister en per 29 februari 2008 ies hae beneump tot burgemeister van zien eige woonplaats veur 'n periode van 6 jaor.
Eurlings, getrouwd mèt Ineke Vaessen, haet veer zone en woont en wèrk in zien geboorteplaats Valkeberg. Hae ies de pap van minister van Verkièr en Watersjtaat Camiel Eurlings.
In 2000 woort hae óngersjeije mèt de Orde van de Gulden Humor, 'ne pries van de gezamelike Limburgse carnavalsvereiniginge.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
