From Wikipedia, the free encyclopedia
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Lemesos (Nuigrieks: Λεμεσός, Lemesós, Törks: officieel Leymosun, mer in praktiek meistens Limasol, Ingels: Limassol) is 'n stad in Cyprus en de hoofplaots vaan 't distrik Limasol. 't Gief 'n inwoenertal vaan 183.656, dat eder jaor greuit. Heimèt is 't de twiede stad vaan 't eiland, mèt allein Nicosia es 'n groetere stad. Lemesos is de hels greuiende stad vaan Cyprus. Dit veural umtot 't de belaangriekste have is vaan 't eiland, door häör gönsteg gelege ligking in 't zuie vaan 't eiland, dat daodoor ziech good kin riechte op zoewel 't Europees vastelaand, Noord-Afrika en 't Middel-Oeste. 't Heet 'n oppervlak vaan 34,87 km2 en daomèt 'n bevolkingsdeechheid vaan 2,900 per km2. In 't verleije woort Lemesos Amathus geneump. Evels raakde de stad door plönderinge in de veerde iew veur Christus oonbewoend. In 451 begos me ziech weer te vestege in de aw, verlaote stad. Aongezeen me evels gein weit mie had vaan de aw historie en daomèt de origineel naom vaan de plaots, kraog de stad 'n nui naom: Leontios, verneump nao de bisjop dee hei ouch góng hoje. Rond de tiende iew begos me 't Lemesos te neume, woersjijnlek dös etymologisch verboonde mèt de naom vaan de bisjop.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
