Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
Léon Pluymaekers (1924-1988) waor sjriever en diechter in 't Valkebergs. Hae waor van 1948 bies 1981 hoofredakteur en oetgever van 't Land van Valkenburg ('t Gezètsje) en naoderhand van 't kwartaalmagazine Geulrand. Daoneve waor hae co-auteur van de Geschiedenis van Valkenburg-Houthem in 1979. Pluymaekers sjreef verhaole, gediechte en 'n groat aantal leedsjes (o.a. De ode aan Valkeberg).
- De revue Aan de Geul zint veer gebaore, same mèt Roep Lambriks in de jaore 50.
- in 't weekblaad 't Land van Valkenburg
- in 't Veldeke-orgaan van Veldeke-Limburg
- in de bloomlezing oet de Limburgse dialekliteratuur Mosalect in 1976
- in 't kwartaalmagazine Geulrand
- 't Book "Ransdaal, drie heren een gemeenschap" in 1982.
- in de bloomlezing Rierank van Veldeke-Valkeberg in 1992
- in de bundel Vallekebergse leedsjes en karnavalssjlagersj in 2002
"Dao ies mie Valkeberg, dao aan de Geul
woa bie rewien en berg iech miech zoa gelukkig veul
es iech mie Valkeberg, diech verlaote moot
dan dink iech altied aan diech, iech weit 't in miech
mien hart klop veur diech
want dan ièrsj veul iech pas good, mie Valkebergs blood"
oet: Ode aan Valkeberg, Rierank 1992
In 't plat weurt de naam Pluymaekers oetgesjproke wie Plumekersj. Zoawie in Valkeberg gebrukelik bie luuj woort hae ouch waal Léon van de Plumeker geneump.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
