From Wikipedia, the free encyclopedia
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
John Lee Hooker (Clarksdale, Mississippi, 22 augustus 1917 - Los Altos, Californië, 21 juni 2001) waas 'nen invloodrieken Amerikaanse blueszenger, gitaris en leedjessjriever dae in zie laeve versjillige stiele broekdje. Hae gólj es 'ne wichtige vernujer vanne blues. Bekandje nómmers van Hooker zeen ónger anger Boom Boom en I'm in the Mood. Wiejer is zien samewirking mit Carlos Santana The Healer bekandj.
Allewel John Lee Hooker e wichtig deil van zien karrejaer in Detroit wóndje en wirkdje, wuuert t'r neet drek mitte Chicago-stiel vanne blues verbónje, zowie die de groeate naordelike stej vanne Vereinigdje Staote doe behieërsjdje. Hooker steit veural bekandj es 'ne vertolker van 'n aantal aan zujelike bluesstiele, bekandj es de Delta-blues, mit väöl invlood van countrymeziek en folk. Hooker speeldje de blues oppe lektrische gitaar, meis op 'ne Epiphone, döks ouch 'ne Gibson of 'ne Gretch.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
