Jan Peter Peumans (Mestreech, 6 januari 1951) is 'ne vlamsjgezinde politicus oet de provincie Belsj Limburg. Aafkomstig oet 'n Vlamsj-nationalistische familie, waor e al joonk lid van de Volksunie. E zaetelde vör die partiej in d'r Limburgse provincieraod en is saer 2004 Vlamsj parlemaentslid vör de Nieuw-Vlaamse Alliantie (N-VA). Van 2007 tot 2009 waor e N-VA-fractievoorzitter in het Vlamsj Parlemaent. In 2009 waoërt e de Väörzitter van 't Vlamsj Parlemaent.
- Dit artikel is gesjreve in 't Norbiks. Ómdat 't plaatsgebónge is, maogs doe 't ómzètte nao 't Riemsters, es te dit dialek sjpriks.
Peumans is in 't Mestreechter hospitaal gebaore mèt 'ne keizersjnèt mae is gebaore Belsj en haat ömmer óp 't Belsj gewònd. Z'n moder waor aafkomstig oet de buurt van Sjènne en e kleekeend van d'r sjtichter van de Alfa beer broeweriej in Töl.
E sjtudeerde an de universiteet va Leuve vör socioloog en wèrkde aanvankelek in 't VJV in Hieër-Mestreech en later e jaor of 10 bie ambulante geestelijke gezondheidszorg in Sittard. In 1991 waoërt e directeur Marketing en Strategie bie de Vlamsje Verveursmaatsjappiej De Lijn, oeë e saer 2004 mèt politiek verlof is. Vanoet dis ervaring is e d'r mobiliteitssjpecialist in de partiej. E is ooch väörzitter van de Vlamsje Sjtichting Verkeerskunde.
In 't Vlamsj parlemaent volgt e o.a. kritisch 't dossier van de Oosterweelverbinding.
In 2009 waoërt e nao de verkiezinge van 2009 väörzitter van 't Vlaams Parlemaent in ópvólging van Marleen Vanderpoorten.
Bij de verkezinge vaan 13 juni 2010 haolden 'r 'n moonsterzege vaan mier es 30% in zien eige keeskanton.
Politieke loopbaan
- 1983 - 1994: sjaeëpe in Riemst
- 1985 - 1987: provincieraodslid in Belsj Limburg
- 1991 - 2004: provincieraodslid in Limburg
- 1995 - 2006: burgemeester van Riemst
- 2004 - heden: Vlamsje volksvertegenwoordiger
- 2007 - heden: sjaeëpe in Riemst
- 2007 - 2009: fractieväörzitter vör de N-VA in 't Vlamsj Parlemaent
- 2008 - heden: oonderväörzitter N-VA
- 2009 - heden: väörzitter Vlamsj Parlemaent
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
