Irakleio (stad)

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Iraklion

De haveplaots vaan Irakleio

Iraklion (Nuigrieks: Ηράκλειο, Irákleio, mèt de naodrök op de a), op 't Aajdlimbörgs ouch wel Heraklion genömp) is de hoofstad en groetse stad vaan Kreta, 't groetse eilaand dat behuurt bis Griekeland. Ze heet 't oppervlaak vaan 223,19 km², 't goof in de 2011 173.450 lui in de stad en heet daomèt 'n inwoenersdeechheid vaan 777 inw/km². Umtot Iraklion katheliek vaan origine is, mèt nog zoen veer persent aktief bij dees kèrk, heet ze ouch in 't Vatikaon 'nen officiele naom gekrege op 't Latien, dee luid: Candia. Wie de stad nog oonder 't Ottomaons Riek veel goof 't ouch 'nen officiele Törkse naom, dee evels nao de vergrieksing vaan 't Iraklioons volk väöl minder poppelair waor es de Griekse naom, naomelek: Rabdel-Khandak. Me geit d'r vaan oet tot de allewijle naom 'n vergriekse versie is vaan d'n originelen Törkse naom. Evels weurt dat door de anti-Törks gezinde bevolking vaan de stad dèks oontkind. De stad steit bekind um häör aw beelde vaan stiere, die vreuger verierd woorte door de aw Kretaonse kultuur. Allewijl steit de stad in de ikkenemie veural bekind es de havepoort die kontinentaole goojere in sleit en daoveur de groetse leverancier is vaan 't gaans Eilaand.

Religie

Zjus wie in de res vaan Griekeland is ouch in Irakleio de mierderheid Grieks-Orthodox. Evels vèlt Irakleio es Griekse stad op mèt 'n behuurlek groete minderheid vaan Kathelieke. In 2011 gaof vief percent vaan de Irakleiaone aon katheliek te zien. Dit maak Irakleio de Griekse gemeinte mèt relatief de mieste kathelieke. De mieste Griekse kathelieke leve evels nog ummertouw in Athene. De kathelieke benaoming vaan Irakleio is Candia.