Dit artikel is gesjreve (of begós) in 't Sjins. Laes hie wie v'r mit de versjillende saorte Limburgs ómgaon.
![Thumb](http://upload.wikimedia.org/wikipedia/commons/thumb/b/b1/Heroin_-_Heroine.svg/320px-Heroin_-_Heroine.svg.png)
Heroïne (C21H23NO5 diacetylmorfine) is ein kleurloos, geurloos, bitter sjmakend opiaat, gemaakt oet morfine, meistal veurkomend in de vorm va wit poeder of broene, stugge, kristaller. Sjtroatheroïne is dèkser onzuuver en al dan neet opzèttelik gemengk mèt völsjtoffer wie milksoeker. Zoadra heroïne echter verwèrmt wördt, geuf dae kraom eine sjterk prikkelende ruuk. Heroïne woord ontwikkeld omdat morfine te versjlavend waor en hiej dös ein alternatief veur moos komme. Heroïne bleek echter ein van de meis versjlavende middelen te zeen.
Gebroek
Heroïne is ein sjterk versjlavende harddrug. 't Wirk sjneller wie morfine, dao bie de synthese van heroïne acetylgroeper aan 't morfinemolecuul gekoppeld waere. Door dees acetylgroepen wurt 't molecuul beater vètoplosbaar (lipofiel), en passeert heroïne sjneller de blood-hersenbarrière wie morfine. In de hersenen waere de acetylgroepen van 't heroïnemolecuul aafgesjplits waodoor weer ein morfinemolecuul ontsjteit, dat 't effect op de hersenen geuf. Heroïne is good oplosbaar in water en wurt biejveurbeeld in Ingelandje auch waal es krachtige piensjtiller gebroek.
Heroïne wört in Nederland meistal ingenomme door 't opsjnoeve van de sjwaam. Dit numme ze (chinezen). De heroïne wurt es poeder op ein sjtökske zilverpapier heit gemakt, waodoor de heroïne sjmilt, en daonao in dampvörm euvergeit. Dea damp wört vervolges door ein rietje ingeôamp.
Vreuger woord het zuig auch via ein sjpuit ingenomme. Mea mede door d'n angst veur aids is dizze groep gebroekers in Nederland kleiner gewore: de shottende gemeinsjap besteit veurnamelik oet auwer (langgebroekende) gebroekers en gebroekers oet lenj wao nog waa vuäl intraveneus gebroekt wört. Veur injectie wurt 't dèks opgelos in ein lich zoere vloeisjtof (biejveurbeeld citroensaap of mèt ascorbinezoerpoeder) in eine leapel dae boave ein vlèmke wurt verwermp, waornaa de oplossing door ein filtreerpapierke of wetje heen, dat es filter veur vaste deilkes deent, in ein injectiespuit wurt opgezoage. Om de risico's vaan AIDS of HIV-besjmetting door gebroek van viës naolde te verkleine zeen in vuäl plaatse in Nederland en auch doaboete sjpuitenruilprogramma's besjikbaar.
Ein anger methode is sjnoeve: 't rechsjtreeks opsjnoeve van 't heroïnepoeder door de naas. Dit wurt neet es lekker ervaare mèh geuf eine rush dae te vergelieke is mit sjotte (en dus sjterker is wie bie 'chinezen'). In Nederland wurt sjnoeve 't meis gebroek es rauke neet of gans lèstig meugelik is. Biejveurbeeld bie 'n gebrek aan folie of vuur; biejveurbeeld in celler woo de gedetineerde waal 't middel haet wat biejveurbeeld versjtop waor in zien lichaam of gegolle in de gevangenis) en hae geine toegangk heat tot aluminiumfolie, vuur dan waal injectienaolde. Sjnoeve wurtt weinig toegepas, behalve in geneumde 'noadgevaller'.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.