Herdisse
From Wikipedia, the free encyclopedia
From Wikipedia, the free encyclopedia
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Herdisse of Lacertilia (vreuger: Sauria) is 'n oonderorde vaan de reptiele (orde Squamata, die ze deile mèt Slange) mèt e paar doezend soorte die euver de ganse wereld, boete in de kajdste streke, veurkoume. Meistal höbbe ze veer good functionerende pu, boemèt ze ziech snel veurtbewege kinne. Väöl herdisse höbbe regeneratief vermoge m.b.t ledemate (veural de start, dee ze kinne aofbreke um vaan 'n jaoger te kinne oontsnappe). Sommege, mèt es bekindste veurbeeld de kameleons, kinne hun hoedskleur aon de wermde aonpasse. De meiste herdisse veuje ziech mèt muis en insekte. 't Gief meh twie giftege soorte, die neet zo gevaarlek zien veur de mins, umtot ze 't gif neet injectere, wie gifslange.
De meiste soorte preferere druug gebede, meh sommege soorte (wie de basiliske) leve aquatisch. Alle herdisse kinne evels zwumme.