From Wikipedia, the free encyclopedia
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
'nen Hendie of mobielen tillefoean (ouch mobiel of gsm geneump) is 'n apparaat womit me draodlaas kan tillefonere, mit behölp van e netwirk van antèns. Mobiel tillefoeans make gebroek van radiogolven en van tillefoeancentrales veur binnen 'n bepaoldje regio communicatie tösse gebroekers meugelik te make. De ieëste generaties maakdje gebroek van anloog modulatie, later van digitaal (Global System for Mobile Communications en Universal Mobile Telecommunications System).
Dit kan zowaal op 'n aopenbaar es e privénetwirk. E veurbild van e privé- (of geslaote) netwirk is 't C2000-netwirk veure hölpverlieëningsdeensten in Nederlandj, of Astrid op 't Belsj.
De term mobielen tillefoean ómvatj neet de zoeageneumdje draodloeaze tillefoeans die zeen gekoppeldj aan 'n vaste tillefoeanaansloeting en die allein kónne waere gebroek binnen 'n straol van hóngerdj maeter van 't basisstation.
Veur radiofrequenties te gebroeke veur mobiel tillefonie is in Nederlandj 'n vergónning van 't Agentsjap Telecom van 't ministerie van Economische Zake nuuedig. Mobiel tillefoeans mótte door dit agentsjap (of 'n vergeliekbaar instansje in 'n anger EU-landj) waere goodgekäördj.
d'n Ieëste mobielen tillefoean, de DynaTAC 8000X van Motorola, waog bao 'ne kilo. Allewiel waog 'ne mobielen tillefoean döks minder es 100 gram. Geavanceerdjer toestèlle waere smartphones geneump; dees waoge döks tösse de 100 en 200 gram.
In 2010 woorte 1,4 miljard mobiel tillefoeans verkóch. In 2011 wore 65% vanne verkóchte tillefoeans smartphones.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
