Goma

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Goma is 'n stad in 't ooste vaan de Democratische Rippebliek vaan Congo, ofwel Congo-Kinshasa, gelege aon 't noordelek over vaan 't Kivumeer en op 'n hoegte vaan 1.500 m in de Rifvallei, en is de hoofstad vaan de provincie Noord-Kivu. De stad is geboewd op aw lavastruime oet de Virunga-vulkaonkètting, en veural op die vaan de Nyiragongo-vulkaan, 14 km in 't noorde gelege, dee häör op bekans 2.000 m hoegte domineert.

In 1894 volgde oontdèkkingsreiziger Gustav Adolf von Götzen in de vootaofdrökke vaan 'ne missionaris oet de ooskus vaan Afrika. Onderwieles heer nao Rwanda reisde, óntdèkde heer e klein vissersdörp det Ngoma woort geneump, wat in 't Swahili tamtam ('n lokaol trom) beteikent; door vervörming sjreef heer Goma. Ngoma woort 'ne Belzje pos tegeneuver dee vaan Rubavu (in Rwanda) bewoend door de Duutsers.

Lui oet Goma weure op 't Frans Gomatracien (mannelek) en Gomatracienne (vrouwelek) geneump.

't Goof in 2024 782.000 inwoeners en daomèt 'n diechheid vaan 17.378 inwoeners de km².

Brón: Franstaolege Wikipedia