Ger Harings

Gerard "Ger" Harings (Haersjtraot, 25 mei 1948) is 'ne veurmalige Nederlandse fitserenner.

Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Valkebergs, es te dit dialek sjpriks.

---

Harings waas profesjeneel fitserenner van 1969 pès 1976. In 1966 woort hae nasjenaal kampioen veldjrieje en in 1967 nasjenaal kampioen op de waeg biej de amateurs. Wiejer haet hae drie etappe-euverwinninge op ziene naam sjtaon in de Runj van Sjpanje. In 1972 woort hae derde in 't punteklassement van de Runj van Sjpanje.

Hae naom tweë kieër deil aan de Runj van Frankriek, wo-in hae zien bèste prestatie leverde in zien debuutjaor 1971; 'n achste plaatsj in de veerde etappe en 'n 82e plaatsj in de eindrangsjikking. In 1972 moosj hae opgaeve.

Ger Harings is 'n jóngere broor van Huub Harings dae ouch fitserenner waas.

Belangriekste euverwinninge

1966

• Nederlands kampioen veldjrieje, elite

1967

• Nederlands kampioen op de waeg biej de amateurs

1970

• Runj van Midde-Zeelandj

1971

• 1e etappe Runj van Sjpanje

1972

• 4e etappe Runj van Sjpanje
• 9e etappe deil a Runj van Sjpanje

Tourdeilnames

• 1971 - 82e
• 1972 - opgegaeve in de 1e etappe

Ploge

• 1969 - Caballero
• 1970 - Caballero-Laurens
• 1971 - Goudsmit-Hoff
• 1972 - Goudsmit-Hoff
• 1973 - Canada Dry-Gazelle
• 1974 - TimOil-Novy
• 1975 - Bonfrère-Rompelberg (vanaf 25-03)
• 1976 - Zoppas-Splendor