Frans Peeters

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

Frans Peeters waor 'ne beeldhouwer oet Zjwame (Swalmen) in Nederlands Limburg. Hae ies gebore in 1926. Woont saer de jaore vieftig in Zjwame en ies dao op 21 juli 2006 gesjtorve. Hae sjtudeerde in Tilburg aan de Academie veur Beeldende en Boewende kunste en waor jaore docent aan de veurmalige Keuninklike Academie veur Kuns en Vörmgeving in Den Bosch. In 1967 maak de VPRO 'ne film euver zien oeuvre "De ronde wereld van Frans Peeters" geheisje. Peeters deeg neve beeldhouwe, vörmgeve, óntwerpe, fotografere, teikene ouch sjrieve.

Exposities

Milaan
Londe
New York
Antwerpe
Brussel
Aoke
Amsterdam (Sjtedelik museum)
Eindhove (Van Abbe-museum)
Remunj: euverziechtenstoansjtèllinge in 1986 en 1993.
Ein object sjting op de waereldtentoansjtèlling in Osaka (Japan).

Sjtiel

De sjtiel ies modern, doordach en eenvoudig. Achter de sculpture ziet väöl rekenwerk. Peeters wèrkde hièl technisch. Zien bolplastieke van polyester zint bekènd.

Werk

te zeen in:

In Vlorp (Vlodrop)
in Kirchroa (Kerkrade)
in Remunj (Roermond) (Stadspark) en in de tuin van 't gemeintemuseum
in Zjwame: op 't Dokter Crasbornplein; op de Hertogdom Gelresingel en aan de Zjwaam.
In Zeist