From Wikipedia, the free encyclopedia
Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.
Emilie Roemer (Boxmeer, d'r 24e augus 1962) is 'ne Nederlandse besjtuurder en SP-politiker. Seër d'r 21 december 2021 is heë d'r gouverneur va Nederlands Limburg. Heë woar ooch woarnummend burgemeester van Alkmaar en Heële. Doavuur woar heë politiek leider van de SP in de Twieëde Kamer.
Roemer hat gewerk in 't basisóngerwies en seër 1980 is e ooch lid van de SP. In 1994 woeëd e geminderoadslid en fractievuurzitter van de lokaal aafdeling i Boxmeer. In 2007 woeëd e lid van de Twieëde Kamer en in 2010 volgde e Agnes Kant óp es fractievuurzitter. Ónger zieng leiding bleef de partie evvel sjteëke óp 15 zedele, e groeët verlees ten ópzichte van de Twieëde Kamerverkezinge van 2006. In 2017 volgde Lilian Marijnissen höm óp es fractievuurzitter en parteileider. In 2021 woeëd Roemer durch d'r Kuuening beëdig es d'r nuie gouverneur van Limburg.