From Wikipedia, the free encyclopedia
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
Dublin (Iers: Baile Átha Cliath) is de houfstad van Ierlandj enne houfstad van 't graofsjap Dublin inne pervinsje Leinster. De stad ligk vriewaal halverwaeges ane oeaskus van 't eilandj ane Dublin Bay, 'n inham vanne Ierse Zieë, en wuuertj van oeas nao wès doorsni-jje dore reveer de Liffey. In 2011 talj de stad 527.612 inwoeaners.
Dublin is róndj 988 gestif dore Vikinge en is saer daen tied 'n metropool gewaore mit mieër es e miljoen inwoeaners in 't groeatsteielik gebied. De naam kump van Dubh Linn, det Aadiers is veur "zwarte pool" of "zwart water"; 'n verwiezing nao 'n nederzètting die volges sómmige euvereinkump mit 't hujig Dublin, aafkómstig vanne Grieksen astronoom Ptolemeus, róndj 't jaor 140. Hae haw 't euver 'n stad die d'r Eblana neumdje.
Trótsdet de naam Dublin zelf ouch oet 't Iers kump is d'n in 't Iers gebroekelike naam Baile Átha Cliath. Baile mèntj "stad"; áth (genitief: átha) is 'n "doorwaadbaar plaats" en cliath is e "vlechwirk van reet", womit me de reveerbaom bie 'n doorwaadbaar plaats verstevigdje. 't Ieëste deil vanne naam wuuertj döks eweggelaote, zodet me de stad Áth Cliath neump.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.