From Wikipedia, the free encyclopedia
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
Doeve (Columbidae) vörmen 'n femielje van meistes middelgroeate, kómpak-geboedje veugel mit 'ne vólle, rónje bórs en 'ne kleine kop. Ze höbben 'n snel en meistes rechlienige vlöch. In taengestèlling toet anger veugel kónne ze mitte snavel water opzuge. De jónge waere mit doevemilk oete krop geveurdj. 't Menke wuuertj 'nen "dóffer" of 'nen "häöre" geneump en 't vruike meistes gewuuen 'n "doef" (al kump "doevin" ouch veur wen 't óngersjied tösse de geslechte benaodrök mót waere).
'n Doef breudj zoea zèstieën toet twintjig daag in 'n einveljig, krempelig ès. Wen de jónge waere gebaore zeen ze nag blindj en bedèk mit dón gael duvelshaore (dóns). Nao drie toet zès daag gaon de uigskes vanne jónge aop en nao ellef daag kriege de jónge vaere. De moder sjèdj oet mit 't vore nao óngevieër zèstieën daag; den ètj 't jónk zelf. Nao viefentwintjig daag kan 't jónk vlege.
Doeve waeren allang gehaje door luuj; es ploemvieë, óm ze (in doeveslaeg) vèt te mèsten en op te aete, es sierdoef en veural ouch es posdoef, vanewaengen häör fenomenaal oriëntatievermeuge. Al inne viefdje dynastie van 't aad Egypte 2500-2350 v.Chr.) goof 't taam doeve. Hievan zeen teikeninge gevónjen in e graaf oet dees periood.
In vreuger jaore kanj me ónger 't Ancien Régime 't Doeverech. Allein d'n aedel enne geistelikheid haw 't rech doeve te haje.
De volgendje geslechte zeen bieje femielje ingedeildj gewaore: