Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Carl Friedrich Gauss (oersprunkelek Gauß; Brunswick, 30 april 1777 - Göttinge, 23 fibberwarie 1855) waor ‘ne Duitse mathematieker en natuurkundege dee ‘n zier belangrieke bijdrage heet gelieverd aon ‘n groet aontal subgebeje vaan mathematiek en de exacte weitesjappe, boe-oonder theorie, statistiek, analyse, differensjele geometrie, geodesie, elektrostatica, astronomie en optica.
Gauss houw ‘ne opmerkeleke invlood op väöl gebeeje in zoewel de mathematiek wie ander exacte weitesjappe. Heer weurt soms de prins vaan de mathematiek geneump. Gauss weert gezeen es eine vaan de meis invloodrieke mathematiekers in de historie. Gauss neumde mathematiek ‘de keuningin vaan de weitesjappe’.
Vreug leet heer groete bekwaamheid zien in de rekenkunde en later in de mathematiek. Heer maakde zien ierste revolutionaire mathematische óntdèkkinge wie heer nog ‘ne tiener waor. Op 21-jaorege leeftied voltoeide heer zien belangriekste werk, de Disquisitions Arithmeticae, in 1798. Dit werk waor fundeminteel veur de getaltheorie en blief tot vandaog de daag ein vaan de basiswerke vaan de moderne mathematiek.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
