Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
![Thumb](http://upload.wikimedia.org/wikipedia/commons/thumb/3/3c/BeneluxBisdommen.png/220px-BeneluxBisdommen.png)
E bisdóm is e kirkrechtelik aafgepaoldj gebied det ónger 't bestuur van 'ne lokale busjop steit. Dees territoriaal indeiling wuuert gebroek in versjillendje kristelike groeperinge, worónger 't Roeams-Katholicisme, de Oeaster-Orthodoxe, Aadkattelieke, Anglicaanse en Lutheraanse Kirke.
't Waord kump haaf van busjop (Grieks: επισκοπος episkopos "opzichter") en haaf van 't achterveugsel -dóm. Ouch 't waord diocees (Letien: dĭœcēsĭs, van 't Grieks διοίκησις "bestuur") wuuert waal gebroek, mer is väöl minder gebroekelik. 't Bieveugelik naamwaord is busdómmelik of diocesaan.
'n Kirkpervinsje kan bestaon oet ei of mieëder busdómme. 't Wichtigste bisdóm is 't aartsbusdóm mitte aartsbusjop. Es binnen 'n kirkpervinsje naeven 't aartsbusdóm onnag anger busdómme valle, neump me dees suffragaan busdómme. In zoea val is d'n aartsbusjop ouch metropoliet. E busdóm wuuert óngerverdeildj in dekenate mitte dieëke. E dekenaat wuuert wiejer óngerverdeildj in parochies mitte pestoear. Neet alle busdómme höbbe dekenate; e busdóm kan ouch drek zeen óngerverdeildj in parochies.
Busdómme waere verneump nao de residentiestad vanne busjop. Dóbbel name, wie 't Busdóm Mechele-Brössel, kómme veur wen de busjop in 'n anger stad resideert es de houfstad van 't landj; hie wóntj de busjop dus in Mechelen en is Brössel de houfstad van 't landj.
Bieje Nederlandjse kattelieke haet 't zeuve busdómme: Greuninge, Haarlem, Utrech, Rotterdam, De Bós, Breda en Remunj.