From Wikipedia, the free encyclopedia
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
De Berezina (Wit-Rössisch: Бярэзіна Bjarezina; Rössisch: Березина) is 'n reveer in Wit-Róslandj en 'n ziereveer vannen Dnjepr. Get naordeliker ligk nanne reveer mitte naam Berezina bie Smolensk; dees mundj ouch oet innen Dnjepr.
De reveer óntspringk oppe Wit-Rössische Rögk bieje stad Lepel en haet 'n lingdje van 613 km. 't Struimgebied haet 'n oppervlaakdje van 24.500 km²; 't debiet bieje munjing is gemiddeldj zoea 145 m³/sec. de jaor. De munjing innen Dnjepr ligk zoea 50 km te naordwèste vanne stad Homel. Ane reveer ligke de stej Babroejsk, Barysaw en Swetlagorsk. De wichtigste ziereveer is de Swislatsj, woraan ouch de stad Minsk ligk.
Karel XII van Zwede staak tiejes de Groeate Naordse Krieg taenge tsaar Peter de Groeate reveer euver mit zie leger op 25 juni 1708. De reveer is mit naam bekandj veure Slaag bieje Berezina in 1812, doe 't leger van Napoleon de reveer euvertróch wie 't zich trögktróch vanoet Róslandj en dao zwaor verluus haw.
Tiejes d'n Twieëdje Werreldkrieg woort 't dörp Ala ane Berezina euvervallen en platgebrendj dore Duutsje soldaote. Bie 't zomeroffensief in 1944 vanne Rósse woort 't Duutsj veerdje leger nao 't euverstaeke vanne reveer ómsingeldj en verslage.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
