Dit artikel is gesjreve (of begós) in 't Zösters. Laes hie wie v'r mit de versjillende saorte Limburgs ómgaon.
Baakhaove is e gehuch van Zöstere, gelaege aan de Gelaenbaek en kórt naeve de autosjnelwaeg A2.
Oet 't ieëste Nederlandjs Bevolkingsregister van 1840 (Limburg vool toet en mit 1839 ónger 't Belsj) vèlt op te make det sjlechs zès gezinne in Baakhaove - Gebrook woonde, te weite de femielies: Sanders, Penners, Meuleners, Suilen, Welters en Pesgens. Nog altied is Baakhaove 'n klein, lenjelik gelaege woankern, die besteit oet veertieën häöf wo óngevieër fieërtig luuj woane. 't Gehuch ligk óngevieër 1,5 kilomaeter t'n weste van 't sjtedje Zöstere.
Baakhaove ligk geconcentreerd aan 'n waegkruutsing tösje drie waeg. De "Baakhaoverwaeg" verbindj 't gehuch mit 't sjtedje Zöstere, die "Bie de Meule" mit Detere en de "Gebrookwaeg" mit Houtem. De "Bie de Meule" hèt zoa ómdet deze langs de kórtbiegelaege Deterdermeule löp, 'n watermeule op de Roaj Baek. De "Gebrookwaeg" is geneump gewore nao 't inmiddels verdwene Zösters gehuch Gebrook, det aan de euverziej van de A2 loog. In 2006 is de litste weuning van Gebrook aafgebraoke en haet 't plaats gemaak veur veur 't nuuj bedriefsterrein Houtem-Noord.
Óm vanoet Zöstere in Baakhaove te kómme mót me twieë brögke euversjtaeke: ein euver de Roaj Baek en ein euver de Vloodgraaf, 'ne gegrave zietak van de Gelaenbaek.
Opmirkelik is det 'n Arnheim 'n sjtraot in de wiek De Laar is geneump nao Baakhaove. In dees wiek zeen bao alle sjtraote nao Limbörgse en Noord-Braobantjse plaatse verneump.
 | |
|---|---|
| Sjtaej en Dörper: De Boesj · Detere · D'n Deelgaard · Ech · De Nuujsjtad · Pej · Roostere · Sint-Joeas · Zöstere | |
| Buurtsjappe en gehuchte: Anen Echterbós · Ane Reiens · Aw-Kirk · Baakhaove · Berkelieër · Brachterziej · Breukelder · De Hieërsjtraot · D'n Aosterberg · D'n Echterbós · Echterhei · Gebrook (Ech) · Gebrook (Zöstere) · Hei · 't Hènge · Illekaove · Kokkelert · Lombok · Middehei · Oevereind · Ophaove · Oppe Kampes · Pepienesbrögk · Pötbrook · Sjaelberg · De Sjlek · Sjpaanshuuske · Vèsserswaert · Veurt · 't Vondere | |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
