Dit artikel is gesjreve (of begós) in 't Venloos. Laes hie wie v'r mit de versjillende saorte Limburgs ómgaon.
D'n Arctischen Oceaan of de Naordelike Ieszieë is 'nen oceaan ten naorde van 't eiland Greunland en de continente Eurazië en Naord-Amerika. Euver de vraog of de Naordelike Ieszieë as 'ne volwaerdigen oceaan maag waere beschouwd, besteit aevel verschil van meining. De Internasjonaal Hydrografische Organisasie erkint de zieë as de kleinste van de vief oceane op aerd, terwiel binne de oceanografie weiteschappers zien die de zieë typere as 't Middellandse zieëtype van 't naordpoolgebeed. D'n oceaan bedek 'n gebeed van 14.056.000 km², wat óngevier geliek is aan de oppervlakde van Rusland. De köslien is 45.390 km lank en de ieslaog is óngevier veer maeter dik.
Euver 't algemein waere d'n Baffinbóch, de Barentszzieë, de Beaufortzieë, de Tsjoektsjenzieë, de Oeës-Siberische Zieë, de Greunlandzieë, d'n Hudsonbóch, de Straot Hudson, de Karazieë, de Laptevzieë en de Witte Zieë tot de Naordelike Ieszieë geraekend. De zieë wuurt verbónde mit de Groeëten Oceaan via de Beringstraot en mit de Atlantischen Oceaan via de Greunlandzieë en de Labradorzieë. In de ieszieë ligge 'n aantal eilande, wie Spitsberge en Jan Mayen.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
