From Wikipedia, the free encyclopedia
Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.
Ale is 't rizzeltaot van beerbroewe, zowie men det in 't Vereinig Keuninkriek en Ierlandj kènt. De ingrediënte en 't broewprocès zeen bao gans 'tzelfde es bie 't broewe van pils. 't Versjil zit veural in 't feit det bie de gekeemde gaers (malt) ouch e deil gereusterd gaers weurt toegeveug. De toeveuging van gereusterd gaers is verantjweurdelik veur de amber- of kaoperechtige kleur van 't beer. Boetedet is ale per diffenisie baovegistend, terwiel pils óngergistend is.
Wen de malt en de gereusterde gaers zeen samegeveug kump de stap van 't broewe in procès.
De oorsjprónk van 't broewe van ale ligk in Groot-Brittannië. Dees traditie is later euvergewejd nao Belsj en Nederlandj. Ale sjteit hie bekènd ónger de naam "amber" en in Belsj ouch es "speciale (belge)" en döks mit 't achterveugsel "-ale" in de naam.
'n Aantal variante besjtaon op de sjtanderd-ale. De variaties óntsjtaon door de samesjtèlling van 't maltmingsel en de toegeveugde gereusterde gaers te variëre, door beveurbeeld extra sókker of 'n anger bewirking van gaers, beveurbeeld door gaers toe te veuge det gedreug is baove aope vuur, volges de Sjotse traditie.
Anger variante zeen:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
