From Wikipedia, the free encyclopedia
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
't Vlamadonisruueske (Adonis flammea) is 'n einjäörige plantj det behuuertj toete adonisruueskes, oete ranonkelfemielje (Ranunculaceae), aafkumstig oet Middel- en Zuud-Europa, aevenes Wès-Azië. 't Vlamadonisruueske kan waeren óngersjeie vanne anger adonisruueskes dore bloodroeaj kluuer vanne blomen in kómbinaasje mitte behaordje kelch enne neutjes mit 'ne zwarte snavel.
't Vlamadonisruueske is 'n lieëg, einjäörige, kroedechtige plantj mit 'nen toet 50 cm hoeage, meistes vertakdje, ónbehaordje stengel, en versprèdj-stäöndje, drieveljig gevaerdje stengelblajer mit hieël fien blaadslepe.
De blome staon allein anen toep vanne bloomsstengel, opgerich, zónger sjötblajer, 20 toet 30 mm in doorsnit, radiaal symmetrisch, deep-kómpvörmig, mit behaordje kelchblajer (in taengestèlling toet die van 't zomeradonisruueske) en meistes 3 toet 8 bloodroeaj toet pórpere, anen toep aafgerundje kroeanblajer mit 'n vlek ane basis. De bloom haet taalrieke paarse maeldräöj. De vröch is e cilindrisch kupke mit tieëntaal aan spiraalsgewies ingepaodje, koeagelvörmige doepvröchte mit 'ne zwarte snavel.
De plantj bleutj van mei toet augustus.
't Vlamadonisruueske wuuertj väöl gebroek in sierhäöf, juus wie 't zomeradonisruueske.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
