Dit artikel is gesjreve (of begós) in 't Waobigs. Laes hie wie v'r mit de versjillende saorte Limburgs ómgaon.
45èlf is ing carnavalsakt oet Landgraaf en is opgerich in 2016. 45èlf traent tiedes 't vastelaovessezoen ónregelmieësig op in Zuud-Limburg en umsjtreke. 45èlf wón in 2016 geliek 't OLCK (Oape Landgraafs Carnavalsmoeziek Konkoer) mit 'Beëter sjeef d'r in....': ee ludiek leedje mit ing flinke porsie knaokedruuge humor in ing anekdotisje dubbelzinnigheed. 't Leedje wón och d'r titel 'Landgraafsjlager 2017'. Daobeij sjtong 45èlf i g'n finale van 't PLK (Parksjtad Leedjes Konkoer) 2017 en op de 'Groëete Gulpener Vastelaoves Finale 2017' i Gulpe.
In 2017 numt 45èlf 't leedje "Ich zien dich waal zitte" op. Ee aod LVK-nómmer oet 2002 van 't zangduo Dubbel Op. D'r originele Hegelsomse teks ("Ik zeej ow wal zitte") is bewirkt noa 't ege dialek. Eind 2017 deed 45èlf es titelverdediger wer mit aan 't OLCK mit óch wer 'ne ege gesjrieëve nómmer "Bedórve Woeësj". D'r nómmer eindigt óp ing gedeelde twieëde plaatsj. In dat joar weëd 'ne twieëde nómmer ópgenoame mit d'r titel "Sjuuf ins effe óp". Dit leedje is inne cover van "Monsieur le Général" va zangeres Tina York; inne Dütsje sjlager oet 1975.
In november 2018 bringt 45èlf get angesj dan deë cosmetisj gefrituurde, óppervlakkige vasteloaveskui. De Landgraafse vasteloavesakt kunt mit inne nuie sjlager mit mieë deepgank. Woa drieënt ’t noe ech um in ‘t leëve? Ee leedje wat óp terapeutisje basis kin weëde vuurgesjrieëve. Ing dudelike, bauw profetische boodsjap: dat wat va binne zit is oetintelik woa ’t wirklig um geet; ongeach wieste oetzies. Want: Va binne biste sjun! Dizze nómmer eindigt óp ing gedeelde twieëde plaatsj óp het OLCK 2018 en wint d'r titel Landgraafsjlager 2019. Óch sjteet 't leedje in de finale van 't Sjlagerkonkoer 2019 i Heële en zingt 45èlf vuur de ieëstje kieër in de haof finale van 't LVK.
In 't noajoar va 2019, in aaleup noa de vasteloavend, kunt 45èlf mit d'r tussjedurchsjlager "Ich bin vroeë dat ich dich nit vergeëte bin". Inne bekinde Hollesje evergreen oet de joare zieëvetig, hertaald noa het Limburgs. Twieë moand later weëd "Ich haot va dich" d'r nuie vasteloavessjlager van dat joar en wint d'r titel Landgraafsjlager 2020 en Sjtadsprinsensjlager. 't Leedje eindigt óp ing gedeelde twieëde plaatsj óp het OLCK 2019. Óch sjteet "Ich haot va dich" in de finale van 't Heëlesj Sjlagerkonkoer, de hoaf finale van 't LVK en wer óp de 'Groëete Gulpener Vastelaoves Finale' i Gulpe.
45èlf sjrieft de mietste leedjes zelf en hult zing teksinspirasie oet 't onduëgende van d'r Nico Ploum, 't sjunne van d'r Wiel Knipa en 't verhoalende va de band Carboon. D'r oetlek woar d’r naam 45èlf vandaan kunt is einfach: 45 is 't nètnummer van 't grutste deel va g'n Parksjtad, woeë Landgraaf deel van oetmak. Elf is zónger twiefel ‘t vasteloavesgekkegetal. Doabeij is de kombinasie va de veer siefers ee knipoog noa 't bekinde 4711: Echt Kölnisch Wasser. Doamit is geliek d’r link gelag mit ózze Rijnlandse vasteloavesoersjprong.
Leedjes
Singles
| Joar | Leedjes (singles) | Datum oetgebrach | Ópmerkinge |
|---|---|---|---|
| 2016 | Beëter sjeef d'r in... | 11-11-2016 | Winnaar OLCK 2016. / Winnaar Landgraafsjlager 2017. / Finalis PLK 2017. |
| 2017 | Ich zien dich waal zitte | 15-01-2017 | |
| 2017 | Bedórve Woeësj (Woa is ‘t hüske?) | 11-11-2017 | Gedeelde twieëde plaatsj OLCK 2017. / Finalis CMC Alaif 2018 categorie origineel. / Finalis PLK 2018. |
| 2018 | Sjuuf ins effe óp | 06-01-2018 | Haof finalis CMC Alaif 2018 categorie covers. |
| 2018 | Mar va binne biste sjun | 11-11-2018 | Haof Finalis LVK 2019. / Winnaar Landgraafsjlager 2019. / Gedeelde twieëde plaatsj OLCK 2018. / Veerde plaatsj finale Heëlesj Sjlagerkonkoer 2019. |
| 2019 | Ich bin vroeë dat ich dich nit vergeëte bin | 01-09-2019 | |
| 2019 | Ich haot va mich | 11-11-2019 | Haof Finalis LVK 2020. / Winnaar Landgraafsjlager 2020. / Winnaar Landgraafse Sjtadsprinsesjlager 2020. / Gedeelde twieëde plaatsj OLCK 2019 / Finalis Heëlesj Sjlagerkonkoer 2020. |
| 2020 | Anlies | 15-05-2020 | Nuie binnekómer plaatsj 6 L1mbo Top 10 va juni 2020 / plaatsj 8 L1mbo Top 10 va juli 2020. |
| 2020 | Doa kriesse zeek mit | 11-11-2020 | Haof Finalis LVK 2021. |
| 2021 | Ónduëgend mót ‘t zieë | 20-04-2021 | |
| 2021 | Alles wat va wiet kunt dat is lekker | 11-11-2021 |
Haof Finalis LVK 2022. |
| 2022 | Sjtumming oane pauze | 01-09-2022 |
|
| 2022 | Es of d'r duuvel d'r mit sjpilt | 11-11-2022 |
Haof Finalis LVK 2023. |
Albums
| Joar | Albums | Datum oetgebrach | Ópmerkinge |
|---|---|---|---|
| 2018 | Grutste Suksèsse …bis noe tow | 15-01-2018 | Verzamelalbum |
Pries en resultate
- 2016 - Ieësjte op 't OLCK (Oape Landgraafs Carnavalsmoeziek Konkoer) mit Beëter sjeef d'r in...
- 2016 - Winnaar van d'r titel Landgraafsjlager 2017 mit Beëter sjeef d'r in...
- 2017 - Finalist van 't PLK (Parksjtad Leedjes Konkoer) mit Beëter sjeef d'r in...
- 2017 - Gedeelde twieëde plaatsj óp 't OLCK mit Bedórve Woeësj
- 2018 - 45èlf sjteet mit alle twieë de leedjes Bedórve Woeësj en Sjuuf ins effe óp op ùt Limburgse vasteloavesalbum Vastelaovend Van Eijsde Tot De Mookerhei deel 25.
- 2019 - 45èlf sjteet es vasteloavesakt oet Landgraaf óp 't Pancratiusplein in de finale van 't Heëlesj Sjlagerkonkoer.
- 2020 - 't Leedje Anlies nuie binnekómer plaatsj 6 in de L1mbo Top 10 va juni 2020.
Trivia
- 45èlf zingk i de dialekte va de gemingde Landgraaf, al hat die plaatsj egelig neet ech ee ege dialek. Zoeë kalt me i die gemingde Sjeter, Waobigs, Nuienhaags, Grunsjtroats-bargoens en 't Ripuarische Brókkelzer (i Rimburg). 't Is mieë inne misjmasj va dees dialekte en anger dialekte oet de Parksjtad.
Links noa boete
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
