Zèsde iew
From Wikipedia, the free encyclopedia
De zèsde iew is 'n iew in de christeleke jaortèlling die leep vaan 501 tot en mèt 600. In Wes-Europa waor 't deil vaan de 'duuster iewe': nao de Groete Volksverhuizinge waor 't Wes-Romeins Riek ingestort en euveral maakde Germaonse keuninkrieke de deens oet. Väöl daovaan waore wel al gekeerstend. 't Byzantijns Riek góng zjus door 'n groete bleujperiode; 't deeg zelfs poginge 't Weste trök te vereuvere. Dit Riek veurde diverse oorloge mèt 't Perzisch Sassanideriek. China góng door 'nen tied vaan politiek oonras, meh bleujde cultureel wel op. Aon 't ind vaan d'n iew zörgde de Suidynastie weer eve veur einheid. Indië woort gedomineerd door 't Guptariek, wie dat ouch de iew daoveur al zoe waor. In Midde-Amerika bleujde de Mayacultuur.
vijfde iew - zèsde iew - zevende iew