Wiejer
From Wikipedia, the free encyclopedia
From Wikipedia, the free encyclopedia
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
'ne Wiejer of viever, ies 'n klein waterbekken dat de miensj haet aangelag.
't Versjil mèt 'ne pool ies 't feit, dat in 'ne pool sjtilsjtaond brak water sjteit en 'ne viever zuursjtof en friesj water aangeveurd kriet van 'n rivier, beek of 'n (kunsmatige) brón. In 't water leve dan ouch vösje, eende, zjwane, meerkoete en waterhoentjes. Sóms deent 't water es reservoir veur blöswater of es euversjtort.
't Gehuch Weijerplei ies waarsjienlik geneump nao 'ne ter plaatse aanwezige groate wiejer.
'ne Wiegerd ies 't ouwer woord veur wiengaard en mèt 'ne weier(t) kènt ouch 'ne vleger bedoeld zin.
Zoane viever kèn oetgegrave zin in de kleigrónd of löss of gemaak zin van betón of van 'ne veurgevörmde kunssjtof bak, meh ouch mèt hölp van folie (PVC of röbber).
Rónd en in 'ne wiejer sjtoon waterplante, zoa-es: diverse soorte reet, Kleine Lisdodde, Gaele plomp, Dotterbloom, Groat hoefblaad, Lisj, Waterlelie en Hosta.
Tösje die plante leve o.m. kwakkerte, króddele of padde, libelle, watersjlekke en make de wil eend, fuut, waterhoen, meerkoet, knobbelzjwaan, reiger en zangveugel hun nèste. Veurbeelde van veugel zint: de kleine karekiet en de groate karekiet.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
