From Wikipedia, the free encyclopedia
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Gemeinte Waadhoeke | |||||
| |||||
Provincie | Friesland | ||||
Hoofplaats | Franeker | ||||
Börgemeister (lies) | Marga Waanders (PvdA) | ||||
Opperflaakde – daovan water |
ca. 305 km² ? km² | ||||
Inwoeners – deechde: |
46.104 (2018) 151/km² |
Waadhoeke (Fries veur Waddenhook) is 'n gemeinte in de Nederlandse provincie Friesland, in 't noordweste vaan die provincie, aon de Waddezie, mèt naoventrint 46.000 inwoeners. Hoofplaots en wiedoet groetste plaots is Franeker. Waadhoeke oontstoont in 2018 oet 'n fusie tösse 't Bildt, Franekeradeel, Menameradiel en e stökske vaan de ouch opgelufde gemeinte Littenseradiel.
De vörming vaan Waadhoeke maak deil oet vaan 'n herindeilingsoperatie die gans Wes- en Noord-Friesland betrof. Nao de groete fusie vaan 1984 bleef 't aontal Friese gemeintes jaorelaank geliek, meh vaanaof 2011 begóste diverse gemeintes toch wijer te fusere.
De naom Waadhoeke woort gekoze naotot de fusiepartners 'nen tied de werknaom Westergo hadde gebruuk. Ouch de opties Franeker en Nij-Westergoa haolden 't neet.
'ne Gemeintenaom tösse häökskes wèlt zègke tot e significant deil (minstens eine woenkern) bij oplufting nao 'n aander gemeinte góng.
De gemeinte umvat 41 kerne. In de gemeintes 't Bildt en Franekeradeel waore de Nederlandse plaotsnaome officieel, in Littenseradiel en Menameradiel de Friese. Veurluipeg is dat in de nui gemeinte neet veraanderd. Heioonder steit ummer d'n officiële naom iers; wienie dee Fries is, steit dat mèt 'nen asterisk aongegeve.
Lèt op: de alternatief naome vaan de dörper oet 't Bildt zien neet Fries of Nederlands, meh Bildts. 't Fries is in dit polderlandsjap neet inheims, en de plaotsnaomsjèlder zien dao twietaoleg Nederlands-Bildts, zoonder 'nen eventuele Friese naom. Dit gelt neet veur Minnertsga, wat tösse 1984 en 2018 ouch bij 't Bildt hoort: dit ligk op 't aajd land en hei is 't Fries wel inheims.
De kerne zien: Achlum, Baaium* (Baijum), Bitgum* (Beetgum), Bitgummole* (Beetgummermolen), Berlitsum* (Berlikum), Blessum*, Boer, Boksum*, Deinum*, Dronryp* (Dronrijp), Dongjum (Doanjum), Firdgum (Furdgum), Franeker (Frjentsjer), Herbaijum (Hjerbeam), Hitzum (Hitsum), Ingelum* (Engelum), Klooster-Lidlum (Kleaster-Lidlum), Marssum*, Menaam* (Menaldum), Minnertsga (Minnertsgea), Nij Altoenae, Oosterbierum (Easterbierrum), Oudebildtzijl (Ouwe Syl), Peins, Pietersbierum (Pitersbierrum), Ried (Rie), Schalsum (Skalsum), Sexbierum (Seisbierrum), Sint Annaparochie (Sint Anne), Sint Jacobiparochie (Sint Jabik), Skingen* (Schingen), Slappeterp*, Spannum*, Tzum (Tsjom), Tzummarum (Tsjummearrum) Wier*, Winsum*, Wjelsryp* (Welsrijp) en Zweins (Sweins).
Op 22 november 2017 woorte verkezinge veur de raod gehawwe. D'n oetslaag daovaan waor:
Partij | Zetele |
---|---|
CDA | 8 |
SAM Waadhoeke | 6 |
Gemeentebelangen | 6 |
FNP | 5 |
VVD | 3 |
ChristenUnie | 1 |
Totaol | 29 |
Marga Waanders vaan de PvdA is börgemeister gewore. Ze waor daoveur börgemeister vaan de intösse ouch opgelufde gemeinte Dongeradeel.
Dit artikel is gebaseerd op, meh neet vertaold oet, 't corresponderend Nederlandstaoleg artikel, en wel in de dees versie.
Achtkarspelen · Ameland · Dantumadiel · De Fryske Marren · Harlingen · Heerenveen · Leeuwarden · Noardeast-Fryslân · Ooststellingwerf · Opsterland · Schiermonnikoog · Smallingerland · Súdwest-Fryslân · Terschelling · Tytsjerksteradiel · Vlieland · Waadhoeke · Weststellingwerf | ||
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.