Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.
![Thumb](http://upload.wikimedia.org/wikipedia/commons/thumb/a/ad/EU_Roma_Musei_Capitolini_hall.jpg/640px-EU_Roma_Musei_Capitolini_hall.jpg)
Bie 't Verdraag va Roeëme waoërt op 25 mieërt 1957 de EEG opgericht. 't Verdraag waoërt getekend dör de zès sjtichtende lede, t.w. de Benelux-leng, Duutsjland, Fraankriek en Italië die al in 1951 de Europees Gemeinsjap veur Koale en Sjtaal teikende.
't Verdraag van Roame breide de ikkenomische samewirking oet tot alle sectore van de ikkenemie, wiel zie ièrsj waor gefocus op koal en sjtaal (umdat dit de hölpbronne zin die nuèdig zin veur kreeg). 't Goof nao 't teikene van 't verdraag 'nen tolvrieë regio mèt gemeinsjappelikke boetegrenze, 'n douane-unie, 'n uniform gebeed zonger binnegrenze, mer mèt gemeinsjappelikke boetegrenze. De naodruk loog nao 't Roams verdraag tot ivvels waal veur langen tied op landboewsubsidies.
De Verdrage van Roame zin 't bovesjtaande verdraag te opriechting van de EEG en 't geliektiejig besjlote verdraag veur de opriechting van Eurotom (de Europees Gemeinsjap veur Atoomenergie). Eurotom waor gemeind veur 't behièr van gemeinsjappelikke ontwikkeling van kernenergie (veur vreizaam dooleindes). Eurotom fuseerde in 1967 mèt de EEG en de EGKS bies de Europees Gemeinsjappe.
Geteikende
- Paul-Henri Spaak en Jean-Charles Snoy et d'Oppuers names Belsj
- Konrad Adenauer en Walter Hallstein names Wes-Duutsjland
- Christian Pineau en Maurice Faure names Frankriek
- Antonio Segni en Gaetano Martino names Italië
- Joseph Bech en Lambert Schaus names Luxemburg
- Joseph Luns en Hans Linthorst Homan names Nederland
Blanco verdraag
Op 22 mièrt 2007 woort door de Gentsen hoagleraar in Europese politiek Hendrik Vos bekindgemaak dat de ongerteikening van 't Verdraag van Roame eigelek op 180 pagina's blanco papeer woort geteikend. De onthulling kaom op de vieftigse verjaordaag van de ongerteikening van 't verdraag. In 'n Vlaamse radio-oetzending maakde de professor bekind dat de periood die veuraafging aan de geplande ongerteikening hectisch verlaap.
De probleme begoeste sjoon bie 't euverbringe van de ruw tekste de trein van Brössel nao Roame. Achter de passagierstrein hing 'ne goojerewagon woa-in alle documente woorte getransporteerd. De Zjweitserse sjpaorweegpolitie vong de wagon verdach en koppelde häöm los volges Hendrik Vos. Pas in Italië zou zin gebleke dat 't verdraag waor achtergebleve in Zjweitserland.
De wagon kaom mèt vertraging aan in Roame, woa de ongerhangeleersj nog de lète hand mooste ligke aan de tekste. Dat ging toen nog gans ambechtelik, zonger computers, woadoor de tekste nog gaar neet aaf waore.
Tièntalle bedeende woorte oet Luxemburg euvergebrach um mèt te wirke mer ouch dat bleek neet genoeg. In paniek sjakelde de ongerhangeleersj sjtudente in die aan de Universiteit van Roame sjtudeerde. Mer ouch zie vertaagde 't proces: ze ginge in sjtaking umdat ze 'n hoager vergoojing wilde veur hun vertaal- en typewerk.
De ongerteikening van 't Verdraag van Roame koes ivvels neet weure oetgesjtild. De datum loog jummersj al vas. De zaal waor gereserveerd en 't good al 'n receptie op de planning. De teks kaom oetindelik zjuus op tied terech bie d'n drukker, mer heer miste de sjtreefdatum. Op de plechtege cereominie woorte gein echte tekste mer blanco bladziejes ongerteikend.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.