From Wikipedia, the free encyclopedia
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
Toronto is de houfstad vanne pervinsje Ontario, in 't oeaste van Canada. Mit 'n bevölking van mieër es 2,6 miljoen is 't neet allein de grótste stad van Canada, mer ouch de op veer nao meis-bevölkdje stad in Naord-Amerika, veuraafgegange door Mexico-Stad, Nuuj-York en Los Angeles. De stad is 't centrum vanne zoea-geneumdje Golden Horseshoe "Gólje Hoofiezer", 'ne metropolis mit mieër es zès miljoen inweuners ane zuudwèstelike waterkantj van 't Ontariomaer, dae zich strèk euver 'n lingdje van zoeaget 100 kilomaeter van Hamilton in 't wèste toet bie Oshawa in 't oeaste.
Toronto besjik euver 'ne wichtigen have (veur ónger anger d'n oetveur van kaore) aan 't Ontariomaer. De stad guldj es 't cultureel, financieel, hanjels- en nieverheidsmiddelpuntj van Ingelsspraekendj Canada en is ouch de zetel vanne wichtige universiteite. Toronto besjik euver de hoogste woukekretsjers van Canada, 't symboeal van zienen dynamischen ikkenomische greuj. De CN-taore (553,5 maeter) is ei vanne hoogste geboewen oppe werreld; 't glazere platform die zich bevindj op 'n huuegdje van zoeaget 350 maeter haet 'n oetzichspuntj.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
