Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
TRAPPIST-1 (ouch wel 2MASS J23062928-0502285) is 'n ultra keul dwergstaar (temperatuur < 2700 K) op zoe'n 39 leechjaor vaan de Eerd, te vinde in 't starestèlsel Watermaan.
De staar is in 2015 oontdèk door 'n team vaan astronome vaan de Universiteit vaan Luik (mèt naome 't Institut d'Astrophysique et Géophysique), geleid door Michaël Gillon. Zie gebruukde daobij de TRAPPIST-telescoop (TRAPPIST steit veur Transiting Planets and Planetesimals Small Telescope). Deze telescoop is bedoeld um te zeuke nao exoplanete mèt de transitmethode, en dit waor de ierste staar die gevoonde is mèt deze telescoop. In ierste instantie woorte drei planete gevoonde.
In fibberwarie 2017 woort bekind gemaak tot 't zeve planete gief die um de staar drejje, boevaan 'rs zich zeker drei, mer meugelek alle zeve in de bewoenbaar zone bevinde.
Alle planete bevinde ziech in 'n baon um de staar die kleiner is es de baon van Mercurius um de Zon. De naome vaan de planete zien veurluipeg sumpeleweg TRAPPIST-1b, TRAPPIST-1c, TRAPPIST-1d, TRAPPIST-1e, TRAPPIST-1f, TRAPPIST-1f, TRAPPIST-1h. De planete drejje allemaol zier snel um de staar, TRAPPIST-1b beveurbeeld in mer 1,5 daog en TRAPPIST-1f in 12,3 daog. Vaan TRAPPIST-1 is 't nog neet gaans zeker wie snel zie um de staar drejt. De planete zien woersjijnelek allemaol in synchroon rotatie met de staar, wat wèlt zègke tot dezelfde kant vaan de planeet altied nao de staar is gekierd.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
