![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/a7/Oghuzlanguages6.png/640px-Oghuzlanguages6.png&w=640&q=50)
Törks
From Wikipedia, the free encyclopedia
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
![Thumb image](http://upload.wikimedia.org/wikipedia/commons/thumb/a/a7/Oghuzlanguages6.png/320px-Oghuzlanguages6.png)
't Törks (Türkçe) of de Törkse taol (Türk dili) is de nationaol taol vaan Törkije en ein vaan de officieel taole vaan Cyprus. Um häör te oondersjeie vaan aander Törkische taole weurt ze ouch wel Törkijetörks of Osmaons-Törks geneump. Veural in 't Duits taolgebeed is dit väöl veurkoumend. In Törkije en Cyprus en in Törkse gemeinsjappe in veural Wes-Europa (boe-oonder Nederland,'t Belsj en Duitsland) spreke alles bijein oongeveer 70.000.000 lui Törks.
De Törkse taol behuurt tot de Ogoezische taole, 'nen tak vaan de Törkische taole (ouch-wel gewoen Törkse taole geneump), die weer femilie zien vaan de Altaïsche taole, allewel tot euver de geldegheid en aard vaan dees familie nog gein euvereinstumming besteit oonder taolkundege. Ogoezische taole - de bekinste en groetste gróp Törkische taole - zien oondereint dèks good verstaonbaar. Me kin ze dus vergelieke mèt de Noorse taole. De taol is agglutinerend: alle veranderinge aon wäörd weure mèt suffixe oetgedrök. 't Einege wat 't liere vaan de taol bemeujlek is de vocaalhermenie: de klinker vaan 'n suffix weurt bestump door de klinker vaan 't woord boe-aon 't vasgeplek weurt.
't Törks weurt sinds Atatürk mèt 't Latiens sjrif gesjreve, mèt e paar speciaol teikes. Zoe zien d'rs lètters wie de ç, ğ, ı, ö, ş en ü, mer gief 't gaaroet gein x, q en w. Oonder 't sultanaot woort 't Arabisch sjrif gebruuk, wat evels voor 't Törks relatief oongesjik is.