Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
De Struusvogel, awwerwètser ouch struus (Struthio camelus) is 'ne groete loupvogel oet de orde Struusechtege (Struthioniformes), en d'n einege levende vertegenwoordeger vaan de familie Struthionidae en 't geslach Struthio. 't Is 'ne groete, loompe vogel mèt lange nak en lang pu, die allebei kaal zien, en de vleugele zien geminimaliseerd, allewel nog dudelek ziechbaar. 't Oonvermoge tot vlege compenseert heer doortot heer hel kin loupe, tot 65 kilometer per oor. Struusveugel zien gemeinelek roond de 2 meter (mennekes) of 1 meter 80 (vruiwkes) laank, en zien daomèt vaan kop tot veuj gemete de langste veugel.
De struusvogel kint veer oondersoorte (zuug ouch 't keertsje): De S.c. australis (zuiderstruus) in en um de Kalahari, de S.c. camelus (roednekstruus) zjus ten zuie vaan de Sahara, de S.c. masaicus (Masaïstruus) veural in Kenia en de S.c. molybdophanes, veural in Somalië. 'n Vijfde soort, de S.c. syriacus, in 't Kortbij Ooste, is um 1940 oetgestorve. De op Madagaskar levende, sinds de vreugmodernen tied oetgestorve olifantsveugel waore sterk aon de stroes verwant.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
