From Wikipedia, the free encyclopedia
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
De Sintervaoskèrk is 'n groete dreibeukege basiliek in Mestreech, gelege aon de Vriethof. De kèrk is gebouwd op 't graaf vaan Sintervaos. De kèrk weurt besjouwd es de ajdste kèrk vaan Nederland en steit in de Top 100 vaan Nederlandse Unesco-monuminte.
Kort nao d'n doed vaan Sintervaos in 384 woort op zien graaf 'n houte kapel gebouwd. Kort nao 549 woort de kapel, die door weersinvlood steeds slechter woort, door bisjop Monulfus vervaange door 'n steine kèrk ('ne magnum templum) mèt 'n crypte, die zjus ten ooste vaan de kapel gebouwd waor. 't Gebeinte vaan Sintervaos woort dao obbenuits begraove.
In de ierste hèlf vaan de 8e iew woort dees kèrk aofgebroke en vervaange door 'n dreibeukege basilica, die in de 10e iew nao 't weste woort vergroet. Umstreeks 't jaor 1000 woort dees basilica gaans aofgebroke, mer 't is neet zjus bekind boerum.
Nao de sloop woort 'n nui dreibeukege Romaanse kèrk gebouwd, met roondgeng um 't koer die touwgaank boje tot 't graaf van Sintervaos. In 1039 woort de kèrk door zeker twelf bisjoppe gewijd, boe ouch de Duitse keizer Hendrik III bei aonwezeg waor.
Tösse 1051 en 1086 woort de kèrk ingriepend verbouwd door proost Humbertus. Oonder aandere woort 'n nui crypte gebouwd. Roond 1160 woort de kèrk weer verbouwd.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.