Peter Wtewael
From Wikipedia, the free encyclopedia
From Wikipedia, the free encyclopedia
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
Peter Wtewael (Utrech, 5 juni 1596 - ouch dao, begrave 13 fibberwarie 1660[1]) waas 'ne Nederlandjse kónssjiljer oete Góljen Ieëf. Hae waas d'n aadste zoon van Joachim Wtewael, dae ouch ziene lieërmeister waas, en Christina van Halen. Zie jóngere broor Johan Wtewael (1598-1652) waas onne kónssjiljer.
Wtewael maakdje ónger angere geiselike en mythologische werkstökker en e deil keukescènes. Hae wuuert owwel geraekendj toete Utrechse Caravaggiste, allewel d'r veur zowied bekandj noeatj in Itaalje is gewaes. De kónstenieër wirkdje inne stiel van zie vader, meh zie werk vertuuentj ouch invlood van Abraham Bloemaert en Gerrit van Honthorst. Ziene rippertuuer is bepirk kwa ómvank en kwaam bao gans toet standj innen tied van 1620 toet 1630.
Juus wie zie vader waas t'r aktief inne vlasjhanjel en es raod inne vroedsjap betróch bieje plaatselike politiek. In die litste peziesje völgdje d'r ziene kranke pap op op 1 oktoeaber 1636. Daonao haw d'r onna de fónksje van sjaepe. Wiejer waas t'r aktief inne kirkelike gemèndje. De gebreurs Wtewael bleven allebei vriegezel en wóndjen in 't hoes vanne eljers. In 1639 woort Johan waal lid van 't Sint-Lucasgilde, meh van Peter haet me dao gèn aanwiezinge veur.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
