Partei

Dit artikel is gesjreve (of begós) in 't Parteis. Laes hie wie v'r mit de versjillende saorte Limburgs ómgaon.

---

Gesjlaote hof Der Bek

Partei (Nederlands Partij) is ing groeëte kern van Wittem in de gemingde Gulpe-Wittem in Zuud Limburg. Partei waor vreuger d'r woeënkern van Wittem, woeë zich 't kloster, de klosterkèrk, 't kesjtieël en de watermeule bevinge. Ouwer name zunt: dae Torteyde (14e ièw), de Tyrtei (15e ièw), op ter Tey (16e ièw), Partheij, Partey. D'r naam is te verklaore vanoet 't Latiense tortus wat boch betekent. Partei liekt aan inge flinke boch in d'r waeg. Dat waor de vreuger Heerbaan van Mestrich nao Aoke. De Geul en de Sinselbaach sjtreume langs.

Bezeenswaerdig

• Hof 't Wienhoes (aan de Ouw Heerbaan) is 'ne vurmalige herberg bie 't tolhoes van de Hieëre van Wittem aan de Heerbaan van Mestrich nao Aoke. D'r linkervleugel dateert oet d'r 17e ieëw. D'r rechtervleugel, oet d'r 18e ieëw, deende es parkeerplaatsj vur d'r poskoetsj. Naoderhand loog hie 'n possjtasie tot in 1865. Toen waoët die teväöl bie der aalik van de sjpoorbaan Mestrich - Aoke.
• Nonnekloster mèt 'n neogotische kapel
• Vakwerkhäöf en hoezer
• Hof Hommerich.
• Haof De Bek (oet 1636) (baksjting mèt helsjtinge dörpele) aan d'r ouwe hieërwaeg nao Aoke. Tot 1858 'n posterie.
• Veldkruzer

Evenemente

• Galaconcerte van fanfare Kunst en Vriendschap in november jiddes jaor

Dörpsvereiniginge

• Carnavalsvereiniging de Ülle
• Fanfare Kunst en Vriendschap
• Voetbalkloep V.V. Partij '33

Gemeinte Gulpe-Wittem
Dörper: Ees · Gulpe · Ieëpe · Mechele · Nieswiller · Partei · Rimmesjtók · Sjlennich · Wielder · Wilder · Wittem
Buurtsjappe en gehuchte: Aoverees · Berghäöf · Berghem · Betsehaove · Billinghoeze · Bisse · Böätenake · Bómmerig · Brook · Dal · De Hut · Dringsele · Eëtenake · Elkerao · Elzet · Euvergäöl · Ezerhei · Heieret · Helle · Hilleshage · Höfke · Hurpesj · De Ieëperhei · Ingber · Kapolder · Kertiels · Kleeberg · Kling-Kulle · Kling-Kuttinge · Kosberg · Krapoel · Kuttinge · Landserao · Öäverem · Peëzeke · D'r Piepert · Plaat · Sinselbaach · Sjilberg · Sjweeberig · Sjtókkem · Tippelder · Terpaote · Terziet · Waterop