![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/48/Macro-Pama-Nyungan_languages.png/640px-Macro-Pama-Nyungan_languages.png&w=640&q=50)
Pama-Nyungaanse spraoke
From Wikipedia, the free encyclopedia
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
![Thumb image](http://upload.wikimedia.org/wikipedia/commons/thumb/4/48/Macro-Pama-Nyungan_languages.png/640px-Macro-Pama-Nyungan_languages.png)
De Pama-Nyungaanse spraoke zeen de meis-versprèdjste femielje vanne inheimsje Australische spraoke. In dees femielje bevinje zich mesjiens waal 200 spraoke. De naam "Pama-Nyungaans" kump aaf veure beneuminge veure twieë grótste gruup: de Pamaspraoke in 't naordoeaste enne Nyungaanse spraok van 't zuudwèste. De wäörd pama en nyunga beteikene "miens" in de daohaer-verneumdje gruup.
De anger inheimsje spraokfemieljes van 't Australisch kóntinent waere döks de neet-Pama-Nyungaanse spraoke geneump, meh die zeen neet specefiek aan einanger verwantj. De Pama-Nyungaanse femielje haet de grótste geografische verspreijing, ómvatj 't grótste deil vanne inheimsje bevölking enne meiste spraoke. De meiste Pama-Nyungaanse spraoke waere (of woorte) gekaldj door klein ethnische gruup bestäöndje oet hoeagoet e paar hóngerdj spraekers, meh meistes minder. Väöl, meh neet allemaol, zeen ze bedreig en väöl zeen ouch recèntelik oetgestórve.