Dit artikel is gesjreve (of begós) in 't Obbichs. Laes hie wie v'r mit de versjillende saorte Limburgs ómgaon.
Obbich (ouch wel Obbeeg gesjreve, Nederlands: Obbicht) is 'n dörp in de gemeinte Zittert-Gelaen in Nederlands Limburg. Tot 1982 vormde 't same mit Papenhaove ein gemeinte. Van 1982 tot 2002 heurde 't bie de gemeinte Bor (Born). 't Is gelaege op 'n eiland tösje de Maas en 't Julianakanaal. In 2002 wone d'r 2000 luuj. De naam Obbich kump van "Op den Bicht". Beech is umheind terrein. De buurtsjappe: Harrekoave (Harrecoven) en Sjipperskèrk (Schipperskerk) heure bie Obbich. Op de Hoageberg ontsjprungk de Kingbaek in eine "viever" vol mit kleine brunkes. De beek löp via Beeg en mondj effe later in de Maas oet.
In Obbich zeen reste van bewoning oet de Romeinse tied gevonje.
Tot de Franse tied waor Obbich 'n vriej hièrlikheid, die deils tot 't graafsjap Loon en deils tot 't graafsjap Gelre beheurde. In 1643 euversjtruimde 't dörp gans. De naam Opbeech ging toen euver op 't gehuch Euverbrook, dat op de plek van 't hujige dörp loog. Dat woor in 1825, op 'n paar hoeze nao, gans door brand verwoes. 't Betrof 'n kèrk en 34 hoezer.
- Van de kèrk oet begin 19e ièjw is allein de taore euvergebleve. In de jaore 60 van de 20e ièjw is 'n nuuj kèrk geboewd centraal gelaege in 't dörp aan de mèrt.
- Kasjtièl Obbich sjtamp oet 1780. 't Is geboewd op de reste van 'n ouwer hoes oet 1250. Nao de brendj in 1954 is 't kasjtièl gerestaureerd. Noe is 't bewoond door de familie Symkoviak.
- Meule oet 1904
- Monument van Willem van Oranje aan de Maas
- De sjriever Pieter Ecrevisse 1804-1879 is in Obbich gebore.
| Gemeinte Zittert-Gelaen | |
|---|---|
| Sjtae en dörper: Bor · Beech · Buchte · Einikhoeze · Gelaen · Göttekaove · Houtem · Lömmerig · Munstergelaen · Opbeech · Papenhaove · Zittert | |
| Buurtsjappe en gehuchte: Abshaove · Awt-Gelaen · Baandert · Broukzittert · Danike · Dassekoel · Europapark · Euverhaove · Gelaen-Zuid · Graasbrook · De Graathei · Haagzittert-park · Harrekaove · De Haze · Hazelderveldj · Hogenberg · Hóndjsbrook · Hoogveldj · Janskamperveldj · Kempehaof · De Kloes · Kolleberg · Kraonkel · Klein-Holtem · Laarhof · De Landjgraaf · Leiebrouk · De Lèndjheuvel · 't Lömmerigerveld · Lötterao · Mesjtreechterbaan · Ophaove · Rosengarten · Sanderbout · Sjpaans Neerbaek · Sjpaorkóllenie · Sjtadbrouk · Sjipperskèrk · Staaj · Vrangedaal · De Wèndjraak · Wolfrath | |
| Kollenieë: Achbunjer · Teenbunjer | |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
