Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
Normandië is 'n streek in Naordwès-Frankriek, gelaenge langs 't Kanaal tösse Picardië en Bretagne. 't Is 'n historische Franse pervinsje, die besteitje oete gelieknamige regio Normandië ('n sameveuging van Haute-Normandie anen óngerloup vanne Seine en 't wèsteliker gelaenge Basse-Normandie), inclusief 't sjiereilandj Cotentin. Toet Haute-Normandie behuuerdje de departemente Seine-Maritime en Eure, dewiel Basse-Normandie besting oete departemente Orne, Calvados en Manche.
In Normandië woeane 3,2 miljoen luuj. De grótste stej zeen Rouen, Le Havre, Caen, Cherbourg en Évreux. Rouen waas oeatj de houfstad van gans Normandië en is det saere sameveuging van Haute- en Basse-Normandie weer trögk. Vreuger waas Rouen allein de houfstad van van Haute-Normandie, dewiel Caen die van Basse-Normandie waas.
Normandië óntlieëntj ziene naam ane Noormanne. Häöre leier Rolle kreeg in 911 't hertogdóm Normandië in lieën vanne Wèsfrankische keuning Karel d'n Einveljige. Zienen opvolger Wullem de Vereuverer vereuverdje in 1066 Ingelandj. Op häöre beurt vereuverdje de Ingelse Normandië versjillige kieëre, veur 't lits tiejes de Hóngerdjjäörige Krieg.
Normandië kreeg innen Twieëdje Weltkrieg roem dore lanjing vanne geallieerdje op D-Day (6 juni 1944) in 't kader van Operation Overlord, o.a. op Omaha Beach. Inne dao-opvolgendje gevechte leej mit naam de stad Caen zwaor. De stried doerdje toet 12 september, doe Le Havre woort bevriedj.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
