NAVO-codenaam
From Wikipedia, the free encyclopedia
Dit artikel is gesjreve (of begós) in 't Oeals. Laes hie wie v'r mit de versjillende saorte Limburgs ómgaon.
NAVO-codename zeen codename die de troepe van'ne NAVO tiedes de Kaaje Oorlog hanteerdje veur ongerzeeërs, oorlogs- en verkeersvleegtuuge en geleideprojectiele van de Sovjet-Unie en China. Ze waerdje ingeveurdj om de taalprobleme tösse de versjillendje NAVO-partners zoväöl meugelik te euverbrugke. De echte naam van ein nuuj tuug waerdje döks pas nao lange tied achterhaoldj, maar ongertösse moste de troepe waal ein meneer höbbe om d'rnao te verwieze. Ein speciaal comité, het ASCC (Air Standardization Coordinating Committee) waas verantjwaordelik veur de toewiezing van dees codename.
Biej 't toewieze van de name waerdje gebroekgemaaktj van ein systeem: de eerste letter verwees nao de rol van 't toesjtel (B veur bommewerper, F veur jachvleegtuug - van 't Ingelse Fighter - enz.). Propellervleegtuuge krege name met ein lettergreep en sjtraolvleegtuuge eine naam mit twee lettergrepen.
Allein voertuige die al in gebroek ware tiedes de Sovjetperiode höbbe eine NAVO-codenaam, aan nuuj ontwerpe waere ze neet meer toegeweze.