From Wikipedia, the free encyclopedia
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
Miami is 'n stad in zuudoeastelik Florida in 't Miami Dade Graofsjap ane Miami-reveer, tösse de Florida Everglades ennen Atlantischen Oceaan. In 2000 wóndje d'r 363.000 luuj in Miami. Inne agglomeratie wore dit 's vief miljoen. De stad zelf is neet de grótste vanne staot Florida (det is Jacksonville), meh same mitte agglomeratie is det waal 't geval.
Vanne bevölking van Miami is 70% Latino. Ze kómme veural oet lenj wie Cuba of Mexico. 10% vanne bevölking is blank. E groeat deil van die luuj besteitj oet gepensjeneerdje luuj oete naordelike staote van Amerika. 19% vanne bevölking is zwart en 1% vanne bevölking is Aziatisch. In 'n vergelieking mit anger stej in 2004 bleek det Miami de ènsigste stad is wo mieër es de helf vanne inwoeaners in 'n anger landj is gebaore, namelik 59%.
20% vanne bevölking is ajer es 65 jaor; 30% vanne bevölking vörmp 'n einmansgezin; 25% vanne bevölking laef óngere ermoojgrens; en 8% vanne bevölking zitj zónger wirk.
Miami haet e troeapisch klimaat. 't Guuef graovewaeg twieë sezoender: ei raengersezoen en e druueg sezoen. 't Raengersezoen löp van mei toet oktoeaber en 't druueg sezoen van november toet april. 't Raengersezoen vèltj min of mieë same mit 't orkaansezoen vannen Atlantischen Oceaan, det löp van 1 juni toet 1 dieëtsember. In 't raengersezoen raengetj 't neet de gansen daag; inne nammedig vörme zich raenger- en ónwaersbuie wo väöl raenger oet vèltj. Oet zón raengerbui kan aeve väöl water vallen es in ei maondj in Nederlandj. Dees buie haje neet lang aan en zörge d'rveur det de drökkendj hits 's middigs get getemperdj wuuertj.
Inne jannewarie is de gemiddeldje temperatuur 19,6 °C; in juli is det 28,1 °C. Jäörliks vèltj gemiddeldj 1420,1 mm naerslag.
De geveulstemperatuur is in Miami 's zómmers hieël hoog, wobie 't liek det 't wied baove de fieërtig graojen is. Inne wirkelikheid kump de temperatuur zelje baove de 34 graoje oet. De hoogste temperatuur die oeatj is gemaeten in Miami is 36,7 °C.
Miami wuuertj regelmaesig getróffe door troeapische sturm en orkane, det groeaten euverlas veroearzaak veure bevölking. 't Zeen de Kaapverdische sturm die Miami bereike en die vörme zich van augustus toet oktoeaber. d'n Toep van 't orkaansezoen ligk op 15 september. De euverheje waorsjoewe de bevölking wen d'r 'ne stórm aafkump op Miami middels de Hurricane Watch (kan op 'n orkaan binne 36 oere) of de Hurricane Warning (kans op 'n orkaan binne 24 oere). Aopenbaar sjoelkeljere zeen op versjillige plaatse wo de luuj wen nuuedig de stórm kónnen oetzitte.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
