From Wikipedia, the free encyclopedia
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Maarssen is e versteidelek dörp en de hoofplaots vaan de gemeinte Stichtse Vecht, in de Nederlandse provincie Utrei, te noorde vaan de stad Utrei. Maarssen ligk aon 't Amsterdam-Rienkanaal en aon de Utreise Vecht. In de buurt vaan Maarssen ligke nog 'n aontal plasse, die veur recreatie gebruuk weure. 't Slot Goudestein, woe 't gemeintehoes in gevesteg is, en 't Slot Zuylen zien veurnaom bezeensweerdeghede.
Tot 2011 waor Maarsen 'n eige gemeinte. 't Oppervlak bedroog 30,86 km2 (daovaan 3,65 km2 water); 't aontal inwoeners stoont op 1 januari 2010 op 39.707. Neve Maarssen umvatde de gemeinte nog de kerne Maarsseveen, Molenpolder, Oud-Maarsseveen, Oud-Zuilen en Tienhoven.