Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
Málaga is 'n Spaanse havestad in Andalusië die ane Costa del Sol ligk. 't Is de houfstad vanne gelieknamige pervinsje. In 2016 haw de stad zón 570.000 inwoonders. Rónjelóm Málaga ligke berg en twieë revere, de Guadalmedina enne Guadalhorce. Dees twieë loupe bieje stad oet oppe Middellandjse Zieë.
De binnestad ligk kortachtere have. Rónjelómme binnestad ligke de wieke El Perchel, La Trinidad en Iagunillas. De stad haoltj zien inkómme veural oete landjboew en 't toerisme. 'ne Bekandje gebäörtigen oet Málaga waas Pablo Picasso.
Gesjiechte
Málaga woort róndj 1.000 v.Chr. gestif dore Feniciërs es 'n hanjelskolonie; daoveur laag hie 'n nederzitting van 't pre-klassiek Turdule-vouk. Zón zeve ieëwe nao de stifting vanne kolonie woort zie vereuverd dore Romeine, same mitte anger Spaanse gebiede die toe in henj wore van 't Carthaags Riek. Vanaaf de viefdje ieëw n.Chr. kwaam de stad inne henj vanne Visigothe, wonao de stad inne achste ieëw woort vereuverd dore Moeare. In daen tied woort Málaga ouch e wichtig hanjelscentrum. Anen inj vanne vieftieëndje ieëw kwaam Málaga mitte reconquista trögk in Spaanse henj.
Toerisme
Edersjaor wuuert de stad bezóch door väöl toeriste, ouch es doorreis nao anger stej inne ómgaeving, wie Sevilla, Córdoba en Granada. De stad is riek aan museum, wiejer bezeenswaerdig zeen:
- Alcazaba (Arabisch fort oete èllefdje ieëw)
- Castillo de Gibralfaro (veer- en vieftieëndjenieëws kestieël op de heuvel Gibralfaro)
- Kattedraol van Málaga (boew begós in 1528, kinmirkendj zeen versjillendje boewstiele)
- Catedral de la Encarnación (neoklassieke kattedraol)
- De have vanne stad
- Jardín de la Concepción (botanischen haof oet 1855 mit Strelitzia nicolai en gateplantje, ane naordrandj van Málaga)
- Parque de Málaga (parkstriep mit plantje oet 't troeapisch raengewaad, wie Philodendron en Heliconia, tösse de haven en aad centrum van Málaga)
- Kirk: Iglesia del Sagrario
- Kirk: Iglesia Parroquil de Santiago
- Palacio de los Condes de Buenavista (kestieël vanne graove)
- Palacio Episcopal (buusjöppelik pelies)
- Plaza de Toros (arena veur stiergevechter)
Alcazaba, zich vanaaf Gibralfaro
Oetzich euvere stad
De kattedraol
Plaza de Toros aane zieë
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
